سعودی عرب میں گیس سٹیشن پر ایندھن کی منتقلی کے دوران دھماکہ ،3کارکن جاں بحق

جمعرات 12 فروری 2015 19:59

ریاض(اُردو پوائنٹ اخبارتازہ ترین۔12فروری۔2015ء) سعودی عرب کے علاقہ جیزان میں گیس سٹیشن پر ایندھن کی منتقلی کے دوران دھماکہ کے نتیجہ میں تین کارکن جاں بحق ہوگئے ۔

(جاری ہے)

سعودی میڈیا کے مطابق محکمہ شہری دفاع کے ایک عہدیدار نے بتایا کہ حادثہ اس وقت پیش آیا جب ایک ٹینکر ایندھن کی منتقلی کے دوران سٹیشن کے کنارے سے ٹکراگیا اور دھماکہ ہوا جس سے آگ لگ گئی۔حکام کے مطابق واقعہ میں تین افراد جاں بحق ہوگئے ۔یہ سٹیشن ایک گنجان آباد علاقہ میں قائم تھا تاہم آگ بجھانے والے عملے نے بروقت کارروائی کرتے ہوئے آگ کو پھیلنے سے روک دیا۔