پاکستانی نژاد امریکی شہری نے آئی ایس آئی دفتر پر حملے میں دہشت گردوں کی معاونت کا اقرار کرلیا

اتوار 15 فروری 2015 13:09

پاکستانی نژاد امریکی شہری نے آئی ایس آئی دفتر پر حملے میں دہشت گردوں ..

واشنگٹن(اُردو پوائنٹ اخبارتاز ترین ۔ 15فروری 2015ء ) پاکستانی نژاد امریکی شہری نے 2009 میں لاہور میں انٹر سروسزانٹیلی جنس (آئی ایس آئی) دفتر پر حملے میں دہشت گردوں کی معاونت کا اقرار کرلیا۔پورٹ لینڈ میں قائم امریکی اٹارنی جنرل کے دفتر کی جانب سے جاری کئے گئے ایک بیان میں کہا گیا ہے کہ 51 سالہ ریاض قادر خان نے دوران تفتیش اقرار کرلیا ہے کہ اس نے لاہور میں آئی ایس آئی حملے میں ملوث حملہ آواروں کو آلات اور مالی مدد فراہم کی تھی۔

حملے میں آئی ایس آئی کے ملاز میں سمیت 30 افراد ہلاک اور 300 سے زائد زخمی ہوگئے تھے جبکہ ریاض قادر سے رابطے میں موجود اہم حملہ آور ابو جلیل بھی اس خود کش حملے کے دوران ہلاک ہوگیا تھا۔ریاض قادر نے این ای ڈی سے گریجویشن اور امریکی یونیورسٹی سے انجینئیرنگ میں ماسٹرز کی ڈگری حاصل کی ہے، وہ پورٹ لینڈ میں پانی کو صفائی کرنے والے پلانٹ پر کام کرتے ہیں۔

(جاری ہے)

عدالت کی دستاویزات کے مطابق قادر خان نے ابو جلیل اور دو دیگر لوگوں کو جنھوں نے 27 مئی 2009 کو لاہور میں واقع آئی ایس آئی کے دفتر پر ایک ٹرک کے ذریعے حملہ کیا تھا، حملے کیلئے رقم بھجوائی تھی۔حملے کے فوری بعد القائدہ کی جانب سے ابو جلیل کے بیان کی ویڈیو جاری کی گئی جس میں وہ حملے کی ذمہ داری قبول کررہا ہے۔ مذکورہ ویڈیو میں ابو جلیل کو فاٹا کے علا قے میں حملے کی تیاری کرتے ہوئے بھی دیکھایا گیا تھا۔

ریاض قادر نے ای میل اور دیگر ذرائع سے جلیل سے رابطہ کیا اور اس کو اور اس کے خاندان کو رقم فراہم کی جبکہ قادر خان کی جانب سے پاکستان میں سفر کرنے کے حوالے سے ابو جلیل کو تفصیلات بھی فراہم کی تھی۔فیڈرل بورڈ آف ریونیو (ایف بی آئی) کی جانب سے قادر خان کو دہشت گردی کے الزامات میں گرفتار کیا گیا تھا تام بعد ازاں ان کو جرم کے قرار کرنے پر دہشت گردی کا ہمدرد قرار دیدیا گیا۔

متعلقہ عنوان :