داعش نے پیسہ جمع کرنے کے لیے انسانی اعضاء کی فروخت شروع کر دی
جمعرات 19 فروری 2015 13:09
نیو یا رک(اُردو پوائنٹ تازہ ترین اخبار۔ 19فروی 2015ء) اقوام متحدہ میں تعینا ت عراقی سفیر نے دعویٰ کیا ہے کہ ’اسلامک اسٹیٹ‘ کے انتہا پسند مالی وسائل حاصل کرنے کے لیے انسانی اعضاء کا غیر قانونی کاروبار جاری رکھے ہوئے ہیں اور تعاون نہ کرنے والے ڈاکٹروں کو ہلاک بھی کر چکے ہیں۔جرمن نیوز ایجنسی ڈی پی اے سے باتیں کرتے ہوئے عراقی سفیر محمد علی الحکیم کا کہنا تھا کہ عراقی حکومت کو اجتماعی قبروں میں بہت سی ایسی لاشیں بھی ملی ہیں، جن کی پشت پر شگاف تھے اور اْن کے گردے یا دیگر اعضاء غائب تھے۔
الحکیم کے مطابق حکومت نے اسلامک اسٹیٹ کو کی جانے والی ایسی فون کالز بھی سنی ہیں، جن میں جسمانی اعضاء کے لیے کہا جا رہا تھا:”ہمیں کچھ مسخ شْدہ لاشیں ملی ہیں، اْن کے جسم کے کچھ حصے غائب تھے۔(جاری ہے)
جسمانی عضو آخر کیوں غائب ہو گا؟ یہ پیسے کے حصول کا ایک اور ذریعہ ہے۔اقوام متحدہ میں عراقی سفیر الحکیم نے یہ بھی بتایا کہ گزشتہ چند ہفتوں کے دوران بالخصوص موصل کے علاقے میں کم از کم دَس ڈاکٹروں کو انسانی جسموں سے اعضاء نکالنے سے انکار کرنے پر قتل کیا جا چکا ہے۔
اْنہوں نے مزید کہا کہ ابھی بغداد حکومت اْن افراد کے بارے میں ڈیٹا جمع کرنے کا عمل جاری رکھے ہوئے ہے، جن کے اعضاء نکالے گئے۔ اِسی طرح یہ بھی جاننے کی کوشش کی جا رہی ہے کہ اْن کی موت کن حالات میں ہوئی۔الحکیم نے کہا:”وہ لاشیں ہمارے پاس ہیں۔ آپ آئیں اور جانچیں۔ واضح طور پر نظر آتا ہے کہ اْن کے جسمانی اعضاء غائب ہیں۔عراقی سفیر محمد علی الحکیم نے عالمی سلامتی کونسل کو اس سلسلے میں تفصیلات بتاتے ہوئے آئی ایس کے جنگجووٴں پر یہ الزم بھی عائد کیا کہ وہ عراقی آثارِ قدیمہ کو بھی بیرونِ ملک اسمگل کرتے ہوئے پیسہ بنا رہے ہیں۔ابھی گذشتہ ہفتے عالمی سلامتی کونسل نے ایک قرارداد منظور کی تھی، جس کا مقصد اس امر کو یقینی بنانا تھا کہ عراق اور شام میں سرگرم اسلامک اسٹیٹ اور باغی النصرہ فرنٹ کو مالی وسائل کی فراہمی روکی جائے۔ اس کے لیے معدنی تیل کی غیر قانونی برآمدات، ثقافتی ورثے کی غیر قانونی تجارت، تاوان کی ادائیگی اور انتہاء پسند گروپوں کے لیے جانے والے عطیات کا راستہ روکنے کے لیے اقدامات تجویز کیے گئے تھے۔متعلقہ عنوان :
مزید بین الاقوامی خبریں
-
بھارت کا میڈیا عوام کے مسائل اجاگر کرنے کے بجائے مودی کے گن گاتا ہے،راہول گاندھی
-
تارکین وطن کے حوالہ سے صورتحال پر مغرب میں خانہ جنگی کا خدشہ ہے، ایلون مسک
-
اقوام متحدہ کا غزہ کےہسپتالوں میں دریافت ہونے والی اجتماعی قبروں بارے شفاف تحقیقات کا مطالبہ،امریکا نے بھی اسرائیل سے معلومات طلب کرلیں
-
بھارتی میڈیا مسائل اجاگر کرنے کے بجائے مودی کے گن گاتا ہے، راہول گاندھی
-
ٹرمپ سے عالمی رہنمائوں کی ملاقاتوں پر بائیڈن انتظامیہ پریشان
-
11 سال سے زائد افغان لڑکیاں تعلیم سے محروم ہیں، برطانوی اخبار
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
تیسری بار اقتدار میں آنے کیلئے مودی کی مسلمانوں کیخلاف ہرزہ سرائی جاری
-
اسرائیل کو ٹیکنالوجی دینے کیخلاف احتجاج پرگوگل کے 20 ملازمین فارغ
-
امریکہ، طالب علموں سے زیادتی کرنے والی 25 خواتین اساتذہ گرفتار
-
غزہ میں اجتماعی قبریں اسرائیل کا سنگین جنگی جرم،لوگوں کی برہنہ لاشیں ملی ہیں،اقوام متحدہ
-
مزید چار ایرانی افراد و اداروں پر امریکی پابندیاں عائد
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.