مصر میں کیک کی بدتعریفی پر بیوی نے شوہر قتل کر دیا
بدھ 25 فروری 2015 16:16
قاہرہ(اردپوائنٹ۔تازہ ترین اخبار ۔25 فروری 2015) مصر میں ایک خاتون نے اپنے ہاتھ سے بنائے گئے گھریلو کیک کی بدتعریفی کرنے پر شوہر کی جان لے لی۔عالمی میڈیا رپورٹس کے مطابق جنوبی قاہرہ کے بنی سویف پولیس سینٹر کو ایک اسپتال کی جانب سے اطلاع دی گئی کہ ایک شخص کو مردہ حالت میں اسپتال لایا گیا ہے جسے مبینہ طور پر تیز دھار آلے سے قتل کیا گیا ہے۔ پولیس نے میت کی شناخت مصطفیٰ جاد نامی ایک عام مزدور کے طور پر کرنے کے بعد اس کے گھر پر چھاپہ مار کر اس کی بیوی ھالہ طہ کو گرفتار کر لیا۔
پوچھ تاچھ کے دوران خاتون نے اعتراف کیا اس نے اپنے شوہر کے سامنے گھر میں تیارکردہ ایک دیسی کیک 'بسبوسہ' پیش کیا۔ تھال میں رکھے کیک کو کاٹتے ہوئے میں نے شوہر سے پوچھا کہ ”بتاؤ کیسا بنا ہے؟“۔(جاری ہے)
اس نے تفنن طبع کے طور پر کہا کہ ’کیک ٹھیک نہیں بنا ہے‘۔ اس پر میں نے وْہی چھری شوہر کے پیٹ میں گھونپ دی جس کے نتیجے میں اس کی موت واقع ہو گئی۔
پولیس کو بیان دیتے ہوئے ھالہ کا کہنا تھا کہ چھری سے حملہ کرتے ہوئے اسے شوہر کو قتل کرنے کا کوئی ارادہ نہیں تھا۔ شوہر نے میرے کیک کو مزاح میں بْرا کہا جس کے جواب میں میں نے بھی مذاقاً اسے چھری گھونپ دی۔خاتون نے بتایا کہ چھری کا وار کرنے کے بعد میں ڈر گئی اور مدد کے لیے پڑوسیوں کو آواز دی۔ وہ شوہر کو زخمی حالت میں اسپتال لے گئے لیکن اسپتال پہنچتے ہی وہ زخموں کی تاب نہ لاتے ہوئے دم توڑ گیا۔ پولیس کو خاتون کا چار روزہ جسمانی ریمانڈ دے دیا گیا ہے۔مزید بین الاقوامی خبریں
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
افغانستان، خواتین کو کھلے میدان میں سنگسار کرنے کا اعلان
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
سعودی عرب کی 800 ہیکٹر فلسطینی اراضی پراسرائیلی قبضے کی مذمت
-
عرب اونٹ فیڈریشن کا العلا میں اپنی پہلی چیمپئن شپ کا اعلان
-
مسجد حرام میں زائرین کے لیے روبوٹ گائیڈ سسٹم فعال
-
حماس کے ساتھ مذاکرات ختم نہیں کیے گئے ،امریکہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.