ہواوے ’واچ‘ کی اینڈرائیڈ اوایس اور طاقتور فیچرز کے ساتھ نقاب کشائی

اسلام آباد (اُردو پوائنٹ اخبارتازہ ترین - آئی این پی۔2مارچ۔2015ء) ہواوے کا حال ہی میں پہلی’سمارٹ واچ ‘ کی نقاب کشائی کے ذریعے ویئرایبل مصنوعات کی سیریز میں کامیابیوں کا سلسلہ جاری ہے۔ مکمل طور پرگول ہواوے ’واچ‘ کی خصوصیات میں اینڈرائیڈآپریٹنگ سسٹم، ٹچ حساس ڈسپلے، سکریچ پروف سیفائر کرسٹل لینز، بے داغ فریم شامل ہیں اوریہ ایک بلٹ ان ہرٹ ریٹ (دل کی شرح ماپنے والے) مانیٹر اورموشن سینسرکے ساتھ آتا ہے۔

2 oclockپریس بٹن کی خاصیت کی حامل یہ واچ( گھڑی )صارف کو کنٹرول اورسکون کے علاوہ ایس ایم ایس، ای میل، کیلنڈر، ایپ ،فون کال اورنوٹیفیکیشنز کی بہت بڑی سہولت فراہم کرتی ہے۔سمارٹ فونزکے ساتھ ہم آہنگ ہونے کی بناء ’گھڑی ‘صارفین کی سرگرمی کی سطح کے ریئل ٹائم ٹریکنگ یعنی استعمال شدہ کیلوریز یا طے کردہ فاصلے کے دوران (واکنگ، دوڑ ، بائیکنگ ، کوہ پیمائی ، ہائیکنگ یا سونے ) کیلئے ایک طاقتور پروسیسر، وسیع میموری، بلیوٹوتھ، اور سینسر زسے لیس ہے۔

(جاری ہے)

ایک صحت مند طرز زندگی کو متاثر کرتے ہوئے یہ ایک ہیلتھ ایکوسسٹم بن گئی ہے جو Jawbone یا دیگر طاقتور فٹنس ایپلی کیشنز کے ذریعے صارف کے پراگسس کی نشاندہی کرتی ہے۔ ہواوے کنزیومر بزنس گروپ کے سی ای او رچرڈ یو نے کہا ہے کہ ہم نے سمارٹ واچ کی تخلیق سے صارفین کی ضروریات کا جواب دیا ہے جوبے مثال ڈیزائن کی فیچرزکی حامل ہے۔ یہ ہواوے کی جانب سے ”اس کو ممکن بناؤ“ سے ہماری وابستگی کا بھی عکاس ہے۔

ہواوے واچ ٹیکنالوجی جدید اور پریمیم سمارٹ واچ کا تجربہ فراہم کرتی ہے اور خود کو صارفین کی روزمرہ زندگی کا ایک لازمی حصہ ثابت کیا ہے۔یہ سکریچ مزاحم داغ نہ لگنے والی سٹیل سے بنائی گئی تاج، فریم اور قبضہ کے ساتھ تین دلکش رنگوں اور متعدد ڈیزائن میں دستیاب ہے۔’واچ ‘ ایک مقناطیسی چارجنگ اسٹیشن کے ساتھ آتی ہے جبکہ اس کو فیشن ایبل اورمثالی گھڑیاں بنانے کی توانا تاریخ رکھنے والے ڈیزائنرزنے تخلیق کیا ہے۔اس کا چمکدارڈسپلے اور کنٹراسٹ ریشو پہلی ہی نظرمیں اپنے جادوئی کشش سے صارف کواپنی طرف متوجہ کرلیتاہے ۔