سعودی عرب، حرم سمیت دیگر مقدس مقامات پر موبائل فون جام کرنے کی تجویز
جمعہ 20 مارچ 2015 16:18
جدّہ(اُردو پوائنٹ اخبار تازہ ترین۔20مارچ۔2015ء ) سعودی حکومت کو ملک کے مقدس مقامات پر اسمارٹ فون پر ایپس اور سوشل نیٹ ورکنگ سائٹس کے استعمال پر پابندی عائد کرنے کی تجویزپیش کردی گئی ۔سعودی میڈیا کے مطابق ایک سینئر سیکورٹی آفیسر نے حال ہی میں یہاں ایک تجویز پیش کی ہے کہ سعودی عرب کی حکومت کو ملک کے مقدس مقامات پر اسمارٹ فون پر ایپس اور سوشل نیٹ ورکنگ سائٹس کے استعمال پر پابندی عائد کرنی چاہیے، تاکہ زائرین عبادات پر اپنی توجہ مرکوز کرسکیں۔
مسجد الحرام کی سیکورٹی فورس کے کرنل بدر بن السعود نے بتایا کہ لوگوں کو اپنے موبائل فونز پر صرف کالز کرنی چاہیے۔ انہوں نے کہا کہ بہت سے زائرین سمجھتے ہیں کہ وہ شاید پکنک پر آئے ہیں، اور وہ معروف لوگوں کے ساتھ اپنے تصاویر لینے میں مصروف ہوجاتے ہیں۔(جاری ہے)
گزشتہ سال ہالی وڈ کے سب سے بڑے ایوارڈ آسکر کی تقریب میں آسکر سیلفی سے یہ بے پناہ مقبول ہوگئی تھی، اور سیلفی کے بارے میں دنیا بھر میں باتیں شروع ہوگئی تھیں۔
زائرین کا کعبہ اللہ کے سامنے اپنی سیلفی لینا ایک عام سی بات ہے۔کرنل بدر السعود نے یہ بات شاہ فہد سیکورٹی کالج میں منعقدہ سعودی عرب میں تحفظ اور سلامتی کے مسائل کے موضوع پر ایک سیمینار سے خطاب کرتے ہوئے کہی۔تاہم اس سیمینار کے شرکاء میں سے عبدالرحمان الفجر نے اس اقدام کی مخالفت کی، ان کا تعلق مصر سے ہے۔ انہوں نے کہا کہ لوگ امدادی کارروائی میں مدد دینے کے لیے بھی اپنے اسمارٹ فون کے ایپس کو استعمال کرسکتے ہیں۔حج اور عمرہ کی ادائیگی کے دوران زائرین کا اپنے موبائل فون کے ذریعے سیلفی تصاویر لینے کے رجحان پر اس سے پہلے بھی کافی تنقید کی گئی تھی، لیکن اس کے باوجود اس رجحان میں کمی کے بجائے اضافہ ہی دیکھنے میں آیا ہے۔گزشتہ سال حج کے موقع پر یہ معاملے وسیع پیمانے پر جاری بحث کا موضوع بن گیا تھا۔مزید بین الاقوامی خبریں
-
اسکول میں نمازپڑھنے کی اجازت کا معاملہ ، برٹش مسلم طالبہ ہائیکورٹ میں کیس ہارگئی
-
جنوبی لبنان سے شمالی اسرائیل کی طرف 6 میزائل فائر
-
امریکی یونیورسٹی نے ذہین ترین مسلمان طالبہ کی تقریر منسوخ کردی
-
اسرائیل سے معاہدہ ختم کرنے کیلئے گوگل ملازمین کا احتجاج، متعدد گرفتار
-
کینیڈا، حکومت کا پہلی بار حلال مارٹیگیج کا جائزہ لینے کا فیصلہ
-
یو اے ای میں نظام زندگی مفلوج، سوشل میڈیا پر ویڈیوز وائرل
-
دبئی میں طوفانی بارشوں نے 75 سال کا ریکارڈ توڑ دیا
-
ایرانی سفارتخانے پرحملہ ویانا کنونشن کی خلاف ورزی تھی، ترک صدر
-
اس سے پہلے کہ بہت دیر ہو جائے ایران کو روکا جائے، اسرائیل
-
اسرائیل کے کسی نئی حملے کا سکینڈز میں جواب دیں گے، ایران
-
سعودی عرب نے اسرائیل پر ایرانی حملے روکنے میں حصہ نہیں لیا، ذرائع
-
سڈنی کے چرچ میں لائیو نشریات میں پادری پر چاقو حملہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.