پاک بھارت مذاکراتی عمل کا محور تنازعہ کشمیر کا حل ہونا چاہئے۔۔۔۔ نعیم خان ،
کشمیری آزادی کے مطالبے سے کبھی دستبردار نہیں ہونگے
منگل 31 مارچ 2015 19:54
سرینگر(اُردو پوائنٹ اخبارتازہ ترین - آن لائن۔31مارچ۔2015ء) مقبوضہ کشمیر میں حریت رہنما اورجموں وکشمیر نیشنل فرنٹ کے چیئر مین نعیم احمد خان نے کہا ہے کہ پاک بھارت مذاکراتی عمل کا محور تنازعہ کشمیر کا حل ہونا چاہئے اور اس میں کشمیر کی آزادی پسند قیادت کو شامل کیا جانا چاہئے تاکہ کشمیری عوام کے جذبات اور خواہشات کی نمائندگی ہوسکے۔ کشمیر میڈیا سروس کے مطابق نئی دہلی کے ایک ہفتے کے دورے کے بعد سرینگر پہنچنے پر نعیم احمد خان نے زور دیکر کہا کہ کشمیری عوام اپنے ساتھ کئے گئے وعدوں پر عملدرآمد چاہتے ہیں اور عالمی برادری کو کشمیریوں کی سیاسی جدوجہد کی حمایت کیلئے آگے آنا چاہیے۔
انہوں نے نئی دلی میں ایک ہفتے کے دوران مختلف ممالک کے سفارتکاروں و نمائندوں اور بھارت کے کئی سول سوسائٹی ارکان سے ملاقاتیں کیں۔(جاری ہے)
نعیم احمد خان نے شہید اشفاق مجید وانی اور شہید ایڈووکیٹ جلیل اندرابی کو اُن کے یوم شہادت پر شاندار خراج عقیدت پیش کرتے ہوئے کہا کہ کشمیری عوام نے اپنے سیاسی حقوق کی خاطر بے پناہ اور لازوال قربانیاں پیش کی ہیں۔
انہوں نے کہا کہ کشمیری عوام کے عزم و استقلال سے قابض قوتوں کا ہر حربہ ناکام ہوگا اور وہ وقت دور نہیں جب کشمیریوں کو اُن کی قربانیوں کا بھر پور صلہ ملے گا۔ نعیم احمد خان نے کہا کہ کشمیری کئی دہائیوں سے انصاف کے منتظر ہیں مگر نام نہاد جمہوریت کے پجاری ٹس سے مس نہیں ہورہے ہیں۔ انہوں نے کہا کہ کشمیریوں کو آزادی کے مطالبے سے دستبردار کرانے کے لیے ان پر مظالم ڈھائے جارہے ہیں۔ انہوں نے کہاکہ بھارت کی سیاسی و فوجی قیادت کشمیریوں کے حوصلے اور عزم کو توڑنا چاہتی ہے لیکن کشمیریوں نے تہیہ کر رکھا ہے کہ وہ اپنی شناخت کی حفاظت کیلئے کسی بھی قربانی سے دریغ نہیں کریں گے اور آزادی کا مطالبہ کبھی ترک نہیں کریں گے ۔انہوں نے کہا کہ کشمیریوں کی ساری نگاہیں عالمی برادری پر لگی ہوئی ہیں اور اس کو آگے آکر کشمیریو ں کو اپنا حق دلانے کے لیے ضروری اقدامات کرنے چاہیے۔حریت رہنما نے مقبوضہ علاقے میں سیلابی صورتحال پر شدید تشویش کا اظہارکرتے ہوئے لوگوں کے صبر،عزم اور امداد باہمی کے جذبہ کو خراج تحسین پیش کیا۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.