شام 90 فیصد یرموک کیمپ پر داعش نے کنڑول حاصل کر لیا
انتہا پسند تنظیم بشار الاسد کے ایوان اقتدار سے چند کلومیٹر دور رہ گئی
اتوار 5 اپریل 2015 14:49
دمشق ( اردو پوائنٹ تازہ ترین اخبار5اپریل ۔2015ء ) شام میں انسانی حقوق کی صورتحال مانیٹر کرنے والے ایک گروپ کا کہنا ہے کہ دولت اسلامیہ عراق اور شام المعروف 'داعش' نے دمشق کے نواح میں واقع یرموک نامی فلسطینی مہاجر کیمپ کے بڑے حصے پر قبضہ کر لیا ہے۔مانیڑنگ گروپ کے مطابق کیمپ میں باقی رہ جانے والے تقریبا اٹھارہ ہزار فلسطینی مہاجرین کی زندگی فوجی محاصرے، ملیشیا کنڑول اور چار سالوں جاری فضائی بمباری کی وجہ سے پہلے ہی اجیرن تھی۔
داعش کے یرموک کیمپ پر حالیہ حملے کے بعد انتہا پسند تنظیم بشار الاسد کے ایوان اقتدار سے چند کلومیٹر دور رہ گئی ہے۔اقوام متحدہ نے یرموک کیمپ میں محصور فلسطینی مہاجرین کی سلامتی اور تحفظ کے بارے میں شدید تشویش کا اظہار کیا ہے۔ کیمپ میں باقی رہ جانے والے فلسطینی کڑے محاصرے کی وجہ سے غریب، بھوک اور متعدد بیماریوں کا شکار ہیں۔(جاری ہے)
عالمی ادارے کی ریلیف اینڈ ورکس ایجنسی 'انروا' کے ترجمان کریس گنس کے مطابق یرموک کیمپ کی صورت حال ساری دنیا کے لئے شرم کا باعث ہے۔
کیمپ کی صورتحال بین الاقوامی برادری کے لئے ایک ٹیسٹ اور امتحان ہے۔ ہمیں اس میں ناکامی سے بچنا ہے۔ بین الاقوامی نظام کی اپنی ساکھ داو پر لگی ہوئی ہے۔گذشتہ بدھ داعش نے یرموک کیمپ میں دوسرے جنگجوؤں بالخصوص کیمپ میں موجود بشار الاسد مخالف ملیشیا اکناف بیت المقدس کے جنگجوؤں پر حملہ کیا۔داعش کے حامیوں نے سوشل میڈیا پر دو سر کٹی لاشوں کی تصاویر پوسٹ کیں جنہیں اکناف بیت المقدس کے خلاف کارروائی کے دوران قتل کیا گیا تھا۔برطانیہ سے شامی بحران کی مانیٹرنگ کرنے والے گروپ نے بتایا کہ داعش اور شام میں القاعدہ کی شاخ النصرہ فرنٹ نے راتوں رات مختلف محاذوں پر پیش قدمی کی جس کے بعد وہ وسطی دمشق کے جنوب مشرقی علاقے تک پہنچنے میں کامیاب ہو گئے ہیں۔ گروپ کے مطابق اب یرموک کیمپ کے 90 فیصد علاقے پر ان کا قبضہ کر لیا ہے ۔متعلقہ عنوان :
مزید بین الاقوامی خبریں
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
افغانستان، خواتین کو کھلے میدان میں سنگسار کرنے کا اعلان
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
سعودی عرب کی 800 ہیکٹر فلسطینی اراضی پراسرائیلی قبضے کی مذمت
-
عرب اونٹ فیڈریشن کا العلا میں اپنی پہلی چیمپئن شپ کا اعلان
-
مسجد حرام میں زائرین کے لیے روبوٹ گائیڈ سسٹم فعال
-
حماس کے ساتھ مذاکرات ختم نہیں کیے گئے ،امریکہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.