پانچ ماہ کے کومہ کے دوران خاتون ماں بن گئی
ہفتہ 11 اپریل 2015 13:46
واشنگٹن(اُردو پوائنٹ اخبار تازہ ترین۔11 اپریل۔2015ء) قدرت اپنے حیرت انگیز معجزات سے انسان کو بار بار اپنی طرف متوجہ کرتی ہے اور امریکہ میں پیش آنے والا ایک ناقابل یقین واقعہ اس کی تازہ ترین مثال ہے۔ ریاست ٹینسی کے علاقہ سویٹ واٹر سے تعلق رکھنے والی 20 سالہ لڑکی شارستہ جائلز گزشتہ سال دسمبر میں ایک کنسرٹ میں شرکت کے بعد گھر واپس لوٹ رہی تھی کہ حادثے کا شکار ہو گئی۔
لڑکی پانچ ماہ کی حاملہ تھی اور شدید حادثے کی وجہ سے کومے کی حالت میں چلی گئی تھی۔ ڈاکٹروں کا خیال تھا کہ وہ کبھی زندگی کی طرف نہیں لوٹے گی لیکن حیرت کی بات یہ ہے کہ جنوری میں ڈاکٹروں نے اس کے پیٹ سے بچے کو زندہ سلامت نکال لیا اور اب وہ خود بھی کومے سے باہر آچکی ہے اور اپنے ننھے بچے کو پہچاننے کی کوشش کر رہی ہے۔(جاری ہے)
شارستہ کے والدین نے سے بات کرتے ہوئے بتایا کہ اس کے والد کمرے میں چہل قدمی کر رہے تھے کہ اچانک اس نے آنکھیں کھولیں اور اپنے والد کو دیکھنا شروع کر دیا۔
خوشی سے نہال والد نے بیٹی کو اس کے ننھے بچے کی تصویر دکھائی جسے وہ بہت غور سے دیکھتی رہی۔ جب والد نے تصویر ایک طرف پڑی میز پر رکھ دی تو شارستہ نے اپنی گردن گھمائی اور میز کی طرف دیکھنا شروع کر دیا گویا کہ وہ اپنے بچے کی تصویر کو مزید دیکھنا چاہ رہی ہو۔ یونیورسٹی آف ٹینسی میڈیکل سنٹر کے ڈاکٹروں کا کہنا ہے کہ ابھی وہ یہ نہیں کہہ سکتے کہ شارستہ مکمل طور پر صحت یاب ہو جائے گی لیکن ان کا کہنا ہے کہ یہ بات حیرت انگیز ہے کہ وہ پانچ ماہ کے کوما کے بعد جاگ اٹھی ہے اور اپنے ننھے بچے میں دلچسپی بھی لے رہی ہے۔مزید بین الاقوامی خبریں
-
بھائی کا کیٹ مڈلٹن کیلئے نیک تمناوں کا اظہار
-
سورج گرہن،امریکا میں پائلٹس کیلئے وارننگ جاری
-
سری لنکا میں مسلمانوں کی توہین پر با اثربدھ راہب کو 4 سال قید کی سزا
-
بھارت،کھانا اچھا نہ بنانے پر دادی پر تشدد، ویڈیو وائرل
-
سعودی عرب میں زبردست بارشوں کی پیشن گوئی
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.