غیرت کے نام پر قتل کرنے والوں کو ضمانت پر رہا کیا جاتا رہا تو لڑکیوں کا قتل روزانہ کی بات ہوگی ‘اولاد کا محافظ سمجھے جانے والے باپ کی آنکھوں کے سامنے بیٹی کے قتل کے واقعہ کو نظرانداز نہیں کیا جا سکتا ‘ دور جدید میں بھی لڑکیوں کو غیرت کے نام پر قتل کیا جا رہا ہے جو اصل میں دور جاہلیت کی نشانی ہے، اگر ایسے واقعات کو نہ روکا گیا تو معاشرہ برباد ہو جائیگا، لاہور ہائیکورٹ نے غیرت کے نام پر لڑکیوں کے قتل سے متعلق تحریری فیصلہ جاری کردیا
اتوار 12 اپریل 2015 00:10
لاہور (اُردو پوائنٹ اخبارتازہ ترین - آئی این پی۔11 اپریل۔2015ء) لاہور ہائیکورٹ نے غیرت کے نام پر لڑکیوں کے قتل سے متعلق تحریری فیصلہ جاری کرتے ہوئے قرار دیا ہے کہ ایسے واقعات میں ملوث افراد کوٹرائل میں تاخیر ہونے کی بنیاد پر ضمانتوں پر رہا کیا جاتا رہا تو معاشرے میں لڑکیوں کا قتل روزانہ کی بات ہو جائے گی۔
(جاری ہے)
مسٹرجسٹس علی باقر نجفی نے یہ فیصلہ پسند کی شادی کرنے والی بیٹی سائرہ کے قتل کے وقت خاموش تماشائی کا کردار ادا کرنے والے ملزم عمر دین کی درخواست ضمانت بعد ازگرفتاری مسترد کرتے ہوئے جاری کیا ہے،تحریری فیصلے میں کہا گیا ہے کہ اولاد کا محافظ سمجھے جانے والے باپ کی آنکھوں کے سامنے بیٹی کے قتل کے واقعہ کو نظرانداز نہیں کیا جا سکتا ، ملزم عمر دین پسند کی شادی کرنے والی بیٹی کو بے رحمی سے قتل ہوتا دیکھتا رہا مگر اس نے اپنی بیٹی کو بچانے کی کوشش نہیں کی ، فیصلے میں کہا گیا ہے کہ دور جدید میں بھی لڑکیوں کو غیرت کے نام پر قتل کیا جا رہا ہے جو اصل میں دور جاہلیت کی نشانی ہے، اگر ایسے واقعات کو نہ روکا گیا تو معاشرہ برباد ہو جائیگا ، عدالتوں کو چاہیے کہ وہ غیرت کے نام پر قتل کے واقعات کو وسیع تناظر میں دیکھیں، ایسے واقعات میں ملوث افراد کے سنگدلانہ اور خطرناک کردارکی تشریح ہونی چاہیے، ایسے واقعات میں ملوث افراد کو زیر ٹرائل مقدمات میں تاخیر ہونے کی بنیاد پر ضمانتوں پر رہا کیا جاتا رہا تو نہ صرف معاشرے میں لڑکیوں اور خواتین کا قتل روزانہ کی بات ہو جائے گی بلکہ پاکستانی معاشرہ بھی برباد ہو جائے گا اور ایسی سوچ رکھنے والے افراد جائیداد اور خواہشات کی بنیاد پر خواتین کو قتل کرنے میں عار نہیں سمجھیں گے۔
متعلقہ عنوان :
مزید اہم خبریں
-
پاکستان عالمی ملیریا پروگرام کے تحت نئے اقدامات پر عمل درآمد کیلئے پرعزم ہے، صدر مملکت
-
ملیریا پرقابو پانے کیلئے مشترکہ کوششوں کی ضرورت ہے،چیئر مین سینٹ
-
پاکستان کی بہترین جامعات کو مانیٹرنگ کے موثر نظام کے ذریعے عالمی معیار کی جامعات میں شامل کرنا چاہتے ہیں، احسن اقبال
-
انسولین سمیت 27 اہم ادویات کی قلت کا انکشاف‘ ڈریپ حکام نے تردید کردی
-
الیکشن کمیشن کا فیصلہ کالعدم،سپریم کورٹ نے سپیکربلوچستان اسمبلی عبدالخالق اچکزئی کوبحال کردیا
-
امریکہ نے یوکرین کو خفیہ طور پر بیلسٹک میزائل فراہم کیے
-
’ان کرداروں کو اکٹھا دیکھ کر عوام کی نفرت میں اضافہ ہی ہوتا ہے‘
-
وزیراعظم شہباز شریف کل شہید کسٹمز انسپکٹر سید حسنین علی ترمذی کے اہل خانہ سےملاقات کے لئے ایبٹ آباد جائیں گے
-
شیر افضل مروت کی حفاظتی ضمانت منظور،پنجاب پولیس کو گرفتاری سے روک دیاگیا
-
سولر پینلز کی بے تحاشا انسٹالیشن،حکومت نے نیٹ میٹرنگ نرخ گرانے کی تیاری کرلی
-
مرد ڈاکٹرز کے مقابلے خواتین ڈاکٹرز بہتر اور بر وقت علاج کرتی ہیں
-
6 ماہ سے غزہ کے فلسطینیوں پرمظالم دیکھ کرشدید غصہ اور مایوسی ہے،۔ ملالہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.