تحریک حریت کی طرف سے پارٹی رہنماؤں کی گرفتاری کی شدیدمذمت
گولی نہیں بولی کی بات کرنے والے مفتی سعید اقتدار میں آتے ہی بے نقاب ہوگئے،محمد یوسف لون
اتوار 12 اپریل 2015 14:13
سرینگر(اُردو پوائنٹ اخبار تازہ ترین۔12 اپریل۔2015ء) مقبوضہ کشمیر میں تحریک حریت جموں وکشمیر نے بھارتی پولیس کے ہاتھوں پارٹی رہنماؤں محمد یوسف لون، بلال احمد یتو، مفتی عبدالاحد تارزو، امتیاز احمد گورو اور محمد اشرف صوفی کی گرفتاری کی شدید مذمت کی ہے۔ سرینگر سے جاری ایک بیان تحریک حریت کے ترجمان نے کہا کہ پنڈتوں کے لئے الگ بستیاں قائم کرنے کے بھارتی حکومت کے منصوبے کے خلاف پرامن احتجاج کرنے کی پاداش میں بھارتی پولیس نے شمالی اور جنوبی کشمیر میں حریت پسندوں کیخلاف تازہ کریک ڈاؤن شروع کیا ہے اور تحریک حریت کے متعدد رہنماؤں اور کارکنوں کو نظربند کردیا ہے جبکہ دیگر لوگوں کو گرفتار کرنے کے لیے ان کے گھروں پر چھاپے مارے جارہے ہیں۔
تحریک حریت نے کہا کہ گولی نہیں بولی کی بات کرنے والے مفتی سعید اقتدار میں آتے ہی بے نقاب ہوگئے ہیں اور ان کے وہ تمام دعوے غلط ثابت ہوگئے ہیں جو انہوں نے انتخابی ڈرامے کے دوران اور بی جے پی کے ساتھ کٹھ پتلی حکومت بناتے وقت کئے تھے۔(جاری ہے)
ترجمان نے کہا کہ مفتی سعید کی زیر قیادت کٹھ پتلی حکومت نے تحریک حریت کو اسی طرح نشانہ بنانا شروع کیا ہے جس طرح عمر عبداللہ کی انتظامیہ بناتی تھی۔
ترجمان نے کہا کہ سیاسی قیدیوں کی رہائی کا وعدہ پورا کرنے کے بجائے مفتی سعید کی کٹھ پتلی حکومت نے نئی گرفتاریوں کا سلسلہ شروع کیا ہے۔ تحریک حریت نے پارٹی کے تما م رہنماؤں کی فوری رہائی کا مطالبہ کرتے ہوئے کہا کہ یہ تنظیم عوام کی ایک موثر آواز بن چکی ہے اور اس کو گرفتاریوں کے ذریعے سے دبایا جاسکتا ہے اور نہ اس کے کارکنوں کو خوف زدہ کیا جاسکتاہے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.