عوام کو ریلیف دینے کے ساتھ ہم پٹواری ازم میں کرپشن کے خاتمے کیلئے اصلاحات لارہے ہیں،شیخ جعفرمندوخیل
جمعرات 16 اپریل 2015 22:36
کوئٹہ(اُردو پوائنٹ اخبار تازہ ترین۔ 16اپریل۔2015ء) صوبائی وزیر ایکسائز اینڈٹیکسیشن ریونیو اور ٹرانسپورٹ شیخ جعفرمندوخیل نے کہا ہے کہ عوام کو زیادہ سے زیادہ ریلیف دینے کے ساتھ ساتھ ہم پٹواری ازم میں کرپشن کے خاتمے کیلئے اصلاحات لارہے ہیں، تاہم ہماری ان اصلاحات کی راہ میں بعض ذمہ داران رکاوٹیں کھڑی کررہے ہیں لیکن ہم ان کاوشوں کو جاری ر کھیں گے محکمہ ریونیو میں کرپشن کے خاتمے کیلئے ہر ممکن اقدامات اٹھائے جائیں گے کوئی کتنا ہی بااثرکیوں نہ ہو ہم ایسے کرپٹ سرکاری اہلکاروں کے خلاف بھرپور کارروائی کریں گے، یہ بات انہوں نے گذشتہ روز تحصیل کوئٹہ کے اچانک دورے کے موقع پر میڈیا سے بات چیت کرتے ہوئے کہی اس موقع پر سینئر ایم بی آر قمر مسعود سیکرٹری ایڈمن نصرالله اوردیگر حکام بھی انکے ہمراہ تھے، صوبائی وزیر شیخ جعفرمندوخیل نے کہاکہ زمینداروں کے ٹرانسفرز کے نرخ میں ٹیکس کی ادائیگی کیلئے جو ٹیبل بنایاگیا ہے اس سے وہ مطمئن نہیں ہیں کیونکہ وہ انتہائی زیادہ ہے اسلئے ان کی خواہش ہے کہ یہ ٹیکس5یا6فیصد سے زائد نہ ہو اس کے علاوہ ٹیکس کی زیادہ تررقم تحصیل کے اہلکاروں کی جیبوں میں جاتی ہے جوکہ زمین کی کم قیمت شوکرکے سرکاری خزانے میں کم رقم جمع کراتے ہیں جس سے کرپشن کی ایک اور راہ کھلی ہے ہم نے اس سسٹم کو ٹھیک کرنے کیلئے گذشتہ5 ماہ سے کوششیں کررہے ہیں لیکن ہماری ان کاوشوں میں بعض ذمہ داران رکاوٹیں کھڑی کررہے ہیں جس کا مقصد محکمہ ریونیو اور عوام کے درمیان خلیج پیدا کرنا ہے انہوں نے مزید کہا کہ ہم تحصیل کوئٹہ میں کرپشن کا راستہ روک رہے ہیں جوکہ شاید بعض ذمہ داران اورعناصر کو قبول نہیں ہم نے زمین کے ٹرانسفرز کے مقررہ کردہ نرخ میں کمی کے لئے واضح ہدایات جاری کیں لیکن اسکے باوجود اس میں تاخیری حربے استعمال کئے جارہے ہیں اورہماری عوام کی بہتری اورانہیں ریلیف دینے کیلئے کی گئی اصلاحات کی راہ میں رکاوٹیں ڈالی جاری ہیں، انہوں نے اس موقع پر محکمہ ریونیو کے افسران کو ایک مرتبہ پھر سختی سے ہدایات جاری کرتے ہوئے کہاکہ زمینداروں کے ٹرانسفرز کے نرخ میں کمی کے فیصلے پر فوری طورپر عملدرآمد کویقینی بنایاجائے اور متعلقہ حکام کو اس پر عملدرآمد کیلئے لکھاجائے اور ان نرخ وٹیکس کی باقاعدہ کتاب بنا کر مشتہر کی جائے تاکہ عام آدمی کو بھی علم ہوکہ اسے کتنا ٹیکس دینا ہے، انہوں نے کہا کہ کرپٹ عناصر کی اس محکمے میں کوئی جگہ نہیں ہم تحصیل میں پٹواری ازم کے خاتمے کیلئے اصلاحات لارہے ہیں اورکرپشن کے حوالے سے جو داغ اس شعبے میں لگا ہے اسے ختم کرنے کی بھرپور کوشش کرینگے انہوں نے تحصیل کے تمام افسران اور عملے کو مخاطب کرتے ہوئے کہاکہ وہ اپنا قبلہ درست کریں اور عوام کو ریلیف دیں اور ایمانداری سے اپنے فرائض انجام دیں تاکہ عوام میں ان کا امیج اچھا ہو، اس موقع پر انہوں نے تحصیل کے مختلف شعبوں کا بھی معائنہ کیا اور زمینوں کے فرد اور ٹرانسفرز کیلئے کمپیوٹرائز سسٹم کو مزید بہتر بنانے اور عوامی شکایات کیلئے تحصیل میں بکس رکھنے کی ہدایت کی، اس حوالے سے سینئر ایم بی آر قمر مسعود نے بھی میڈیا کا بتایا کہ جو چیزیں تسلی بخش نہیں ہیں اس پر ہم کام کریں گے اس کو مزید بہتر کرنے کی ہدایات دیدی گئی ہیں دورے کے موقع پر ایم بی آر نصرالله خان، تحصیلدار سٹی علی احمد خان تحصیلدار صدر محمد جان جمالدینی نائب تحصیلدار سٹی عبدالقہار اورنائب تحصیلدار صدر مصطفی خان بھی ہمراہ تھے۔
متعلقہ عنوان :
مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.