ایم کیو ایم دہشتگرد جماعت، پاکستان کیخلاف کام کر رہی ہے: ایس ایس پی رائو انوار، متحدہ قومی موومنٹ پر پابندی لگانے کی سفارش کروں گا، ایس ایس پی ملیر کی دھماکہ خیز پریس کانفرنس

سمیرا فقیرحسین جمعرات 30 اپریل 2015 17:44

کراچی(اردو پوائنٹ تازہ ترین . 30 اپریل 2015 ء) ایس ایس پی ملیرراؤ انوار نے کہا ہے کہ گزشتہ رات 2اہم دہشت گرد گرفتار کیےہیں، جن کا تعلق ایم کیو ایم سے ہے۔ایس ایس پی ملیرراؤ انوارنے پریس کانفرنس کرتے ہوئے مزید کہا کہ گرفتار دہشت گرد بھارتی ایجنسی را سے تربیت لے کرآئے ہیں،ملزمان کا نیٹ ورک پورےپاکستان میں ہے، گرفتار دہشت گردوں میں طاہر عرف لمبا اور جنید شامل ہیں، دونوں گرفتار دہشت گرد کے ایم سی کے ملازم ہیں،جن کےقبضے سےبارودی مواد اور دستی بم بھی ملے ہیں،ملزمان کو میڈیا کےسامنےلائیں گے۔

ایس ایس پی میر راؤ انوار کا کہنا تھا کہ ایم کیو ایم پاکستان کے خلاف کام کررہی ہے،فاروق سلیم،ندیم نصرت بھی دہشت گردوں کی مدد کرتے ہیں، ایم کیو ایم طالبان سے زیادہ خطرناک ہے،جو دشمنوں کے ساتھ مل کرملک کے خلاف کام کرتی ہے۔

(جاری ہے)

راؤانوار نے مطالبہ کیا کہ ایم کیو ایم جیسی تنظیموں کو کالعدم قراردیا جانا چاہیے،ایم کیوایم پرپابندی کی سفارش کروں گا،یہ پرتشدد کارروائیوں میں ملوث ہے،ایم کیوایم پرپابندی لگائی جائے،یہ سیاسی نہیں دہشت گردتنظیم ہے،ایم کیوایم اپنے گورنرسے خوش نہیں۔

انہوں نے کہا کہ جاوید لنگڑا بھارت میں ہے جو الطاف حسین کا خاص بندہ ہے،اگر پولیس سےکوئی بدمعاشی کرے گاتو اس کو ویسا ہی جواب ملےگا۔ایس ایس پی راؤانوار نے کہا کہ ملزم جنید الطاف حسین کا خاص آدمی ہے، ملزم نے الطاف حسین کے لیے پراپرٹی کاکام بھی کیاہے،بھارتی شہری محمد انور لندن میں بیٹھے ہوئے ہیں،میں ان کی ہٹ لسٹ پرتھا،ہم اپنی حفاظت کرتے ہیں۔اس دوران گرفتارملزمان کو میڈیا کے سامنے پیش کیا گیا۔

Facebook Twitter Google + Share on Whatsapp

متعلقہ عنوان :

مزید اہم خبریں