محکمہ زراعت توسیع کاشتکاروں کو فصلات کی جدید پیداواری ٹیکنالوجی کی منتقلی اور حکومتی سہولیات کی فراہمی کیلئے مصروف عمل ہے، مہر عابدحسین ڈسٹرکٹ آفیسر زراعت توسیع مظفرگڑھ
ضلع مظفر گڑھ میں کاشتکاروں کو مونگ کے بیج کی 50%کی رعایتی قیمت پر فراہمی کیلئے قرعہ اندازی کا انعقا پنجاب سیڈ کارپوریشن کے تصدیق شدہ ہ 132 من بیج کیلئے 266کاشتکاروں کا انتخاب
جمعرات 30 اپریل 2015 21:22
مظفرگڑھ(اُردو پوائنٹ اخبار تازہ ترین۔ 30اپریل۔2015ء) محکمہ زراعت توسیع کاشتکاروں کو فصلات کی جدید پیداواری ٹیکنالوجی کی منتقلی اور حکومتی سہولیات کی فراہمی کیلئے مصروف عمل ہے۔دالیں کسی بھی فصل کے مقابلہ میں زیادہ منافع بخش ثابت ہو سکتی ہیں۔ کاشتکار دالوں کی بر وقت کاشت اور جدید سفارشات پر عمل کو یقینی بنائیں۔محکمہ زراعت کا "دالوں کی پیداوار میں اضافہ کا منصوبہ" دالوں کی پیداوار میں اضافہ اور ملکی خود کفالت کیلئے اہم سنگ میل ثابت ہو گا۔
ان خیالات کا اظہار مہر عابدحسین ڈسٹرکٹ آفیسر زراعت توسیع مظفرگڑھ نے کاشتکاروں کو مونگ کے بیج کی 50%کی رعایتی قیمت پر فراہمی کیلئے قرعہ اندازی کے انعقاد کے بعدکاشتکاروں اور میڈیا کے نمائندوں سے گفتگو کرتے ہوئے کیا۔(جاری ہے)
قرعہ اندازی کی تقریب کی صدارت میاں عابد حسین ایگزیکٹو ڈسٹرکٹ آفیسر زراعت توسیع مظفر گڑھ نے کی۔کمیٹی کے دیگر اراکین میں مہر عابد حسین ڈسٹرکٹ آفیسر زراعت توسیع مظفر گڑھ اور اسسٹنٹ ڈائریکٹر پلانٹ پروٹیکشن محمد سلمان شامل تھے ۔
مہر عابد حسین نے کہا کہ محکمہ زراعت توسیع کے دالوں کی پیداوار میں اضافہ کے 03سالہ منصوبہ کے تحت مختلف سرگرمیوں کا سلسلہ جاری ہے۔ انہوں نے کہا کہ کاشتکاردالوں کی کاشت اور بھرپور پیداوار کے حصول سے ملک کو دالوں کی پیداوار میں خود کفیل بنایئں ۔ اس سے نہ صرف دالوں کی ملکی ضرورت پوری ہو گی۔ بلکہ درآمد پر انحصار کے خاتمہ سے ملکی زرمبادلہ کو بچایا جا سکے گا۔انہوں نے مزید کہا کہ وزیر اعلیٰ پنجاب محمد شہباز شریف کی ہدایت پر دالوں کی پیداوار میں اضافہ کے منصوبہ کا آغاز کیا گیا ہے۔کاشتکار اس منصوبہ سے بھرپور استفادہ حاصل کریں۔ کاشتکار دالوں کی کاشت کو گھریلو سطح پر بھی فروغ دیں۔ جس سے کاشتکاروں کی گھریلو اور ملکی ضرورت کو پورا کرنے میں مدد ملے گی۔ڈسٹرکٹ آفیسر زراعت نے کہا کہ محکمہ زراعت کے مذکورہ منصوبہ کے تحت دالوں کی ترقی دادہ اقسام کے تصدیق شدہ بیج ، ڈرل سے لائنوں میں کاشت، جڑی بوٹی مار ادویات کے استعمال اور دالوں کی مخلوط کاشت کے لیے ماہرین کی زیر نگرانی کاشتکاروں کو مکمل آگاہی اور رہنمائی فراہم کی جا رہی ہے۔انہوں نے مزید کہا کہ اس منصوبہ کے تحت دالوں کی پیداواری ٹیکنالوجی کی کاشتکاروں کو ترغیب کیلئے نمائشی پلاٹس کاشت کیے جا رہے ہیں۔انہوں نے مزید کہا کہ کاشتکاروں کو رعایتی قیمت پر پنجاب سیڈ کارپوریشن کا تصدیق شدہ مونگ، ماش اور مسور کا بیج بھی فراہم کیا جا رہا ہے جبکہ دالوں کی لائنوں میں کاشت کیلئے ملٹی کراپ ڈرلیں بھی آدھے نرخوں پر فراہم کی گئی ہیں ۔ڈسٹرکٹ آفیسر زراعت نے کہا کہ کاشتکاروں کو ربیع اور خریف کی دالوں کی فی ایکڑ پیداوار میں اضافہ کیلئے جدید پیداواری ٹیکنالوجی کی تربیت دی جا رہی ہے ۔ انہوں نے مزید کہا کہ نمائشی پلاٹس پرمنعقد کئے جانیوالے فارمر ڈیز اور استعمال ہونے والے بیج ، جڑی بوٹی مار ادویات اور جراثیمی ٹیکے کے اخراجات حکومت پنجاب برداشت کررہی ہے۔متعلقہ عنوان :
مزید تجارتی خبریں
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.