جیسے وہ انگلینڈ کے قوانین اور پولیس کا احترام کرتے ہیں ویسے ہی پاکستانی قوانین اور اداروں کا بھی کریں۔وفاقی وزیر اطلاعات کا ایم کیوایم کے قائد کوپیغام
الطاف حسین نے جو رویہ لندن میں اختیار کیا ہے وہ پاکستان میں بھی اپنائیں ۔پاکستان کا آئین آزادی اظہار رائے کا حق دیتا ہے تاہم قومی سلامتی کے ادروں کی تضحیک کی اجازت نہیں دیتا ۔سنیٹرپرویزرشید میڈیا ضابطہ اخلاق پر عملدرآمد کو یقینی بنائے ۔جوڈیشل کمیشن کا معاملہ عدالت میں ہے اس پر تبصرہ کرنا مناسب نہیں ہے کمیشن کا فیصلہ ہمارے حق میں بھی آسکتا ہے اور ہمارے خلاف بھی ۔کراچی ایئرپورٹ پر میڈیا سے بات چیت
ہفتہ 2 مئی 2015 22:55
کراچی(اُردو پوائنٹ اخبار تازہ ترین۔ 02 مئی۔2015ء) وفاقی وزیر اطلاعات ونشریات سنیٹر پرویز رشید نے ایم کیو ایم کے قائد کو پیغام دیا ہے کہ جیسے وہ انگلینڈ کے قوانین اور پولیس کا احترام کرتے ہیں ویسے ہی پاکستانی قوانین اور اداروں کا بھی کریں۔الطاف حسین نے جو رویہ لندن میں اختیار کیا ہے وہ پاکستان میں بھی اپنائیں ۔پاکستان کا آئین آزادی اظہار رائے کا حق دیتا ہے تاہم قومی سلامتی کے ادروں کی تضحیک کی اجازت نہیں دیتا ہے۔
میڈیا ضابطہ اخلاق پر عملدرآمد کو یقینی بنائے ۔جوڈیشل کمیشن کا معاملہ عدالت میں ہے اس پر تبصرہ کرنا مناسب نہیں ہے کمیشن کا فیصلہ ہمارے حق میں بھی آسکتا ہے اور ہمارے خلاف بھی آسکتا ہے ۔وہ ہفتہ کی شب کراچی آمد کے موقع پر ائیر پورٹ پر صحافیوں سے گفتگو کر رہے تھے۔(جاری ہے)
وفاقی وزیر اطلاعات پرویز رشید نے کہا کہپاکستان کا آئین قومی سلامتی کے اداروں اور عدلیہ کے بارے میں بلاجوازاور تضحیک آمیز رویے کی اجازت نہیں دیتا ہے ۔
موجودہ حکومت آئین پر عملدرآمد کر رہی ہے اور ہماری دوسروں سے بھی گزارش ہے کہ وہ آئین کا احترام اور اس کی پابندی کا خیال کریں۔ انہوں نے کہا کہ وزیر اعظم میاں محمد نواز شریف نے خصوصی طور پر وزارت اطلاعات کو ہدایت کی کہ وہ اظہار رائے کے نام پر اداروں پر انگلی اٹھانے کی خلاف ورزی پر پیمرا اپنا کردار ادا کرئے اور اس ضمن میں پیمرا نے تمام ٹی وی چینل کو خط تحریر کر دیا ہے۔ انہوں نے کہا کہ صحافیوں نے اس کے متعلق ضابطہ اخلاق خود تشکیل دیا ہے میڈیا مالکان اور ایڈیٹوریل اسٹاف اس پابندی کو ملحوظ خاطر رکھیں ملکی قومی سلامتی کے اداروں کے بارے میں نازیبا گفتگو کو روکنا ان اداروں کے فرائض میں شامل ہے ۔جس طرح آپ کو آزادی رائے کا تحفظ دیا جا رہا ہے اس طرح آپ دوسرے کے تحفظ کا بھی خیال کریں ۔ایک سوال کے جواب میں پر ویز رشید نے کہا کہ پاکستان میں بالادست آئین ہے اور اس پر عملدرآمد کرناہماری اور سب کی ذمہ داری ہے جن لوگوں نے یہ خلاف ورزی کی ان پر لندن میں قتل اور منی لانڈرنگ کے الزامات ہیں لیکن انہوں نے لندن پولیس کے خلاف آج تک کوئی بیان جاری نہیں کیا وہ پاکستان کی قومی سلامتی کے ادروں کا بھی اسی طرح احترام کریں جس طرح وہ لندن پولیس کا احترام کرتے ہیں ۔متحدہ قومی موومنٹ پر پاپندی اور بلوچستان اسمبلی کی قرارد دادکے متعلق پوچھے گئے سوال کے جواب میں انہوں نے کہا کہ اس حوالے سے قانونی مشاورت کے بعدکوئی راستہ اختیار کیا جائے گا۔اورسب کے ساتھ مساوی سلوک رکھا جائے گا ملک میں کمزور اور طاقتور کے لئے قانو ن برا بر ہے۔ایک سوال کے جواب میں انہوں نے کہا کہ جوڈیشل کمیشن کا معاملہ عدالت میں ہے اس پر تبصرہ کرنا مناسب نہیں ہے کمیشن کا فیصلہ ہمارے حق میں بھی آسکتا ہے اور ہمارے خلاف بھی آسکتا ہے ۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.