`آئندہ دس برسوں میں 30فیصد پانی کی کمی کا سامنا ہوگا، واٹر مینجمنٹ ریسرچ زرعی یونیورسٹی`
بدھ 13 مئی 2015 22:41
فیصل آباد(اُردو پوائنٹ اخبار تازہ ترین۔ 13 مئی۔2015ء) زرعی یونیورسٹی فیصل آبادکے واٹر مینجمنٹ ریسرچ سنٹر کے زیراہتمام فوڈ سیکورٹی کے تناظر میں پانی و زمینی ذخائر کے دیرپاتحفظ پر منعقدہ سیمینار سے خطاب کرتے ہوئئے مقررین نے کہا کہ ماہرین پاکستان کو آئندہ دس برسوں میں اپنی ضروریات کے مقابلہ میں 30فیصد پانی کی کمی کا سامنا ہوگالہٰذا فوری طور پر چھوٹے اور بڑے ڈیمز کی تعمیر کے ساتھ ساتھ زرعی‘ صنعتی و گھریلو سطح پر پانی کے دانشمندانہ استعمال کیلئے قومی واٹر پالیسی کی منظوری سمیت انفرادی و اجتماعی کاوشیں بروئے کار لائی جانی چاہئیں۔
زرعی آبپاشی میں روایتی طریقوں کی وجہ 40فیصد پانی ضائع ہورہا ہے جبکہ ہوش ربا ٹیوب ویل پمپنگ کی وجہ سے زیرزمین پانی کی سطح مزید گہری ہورہی ہے جس سے غذائی استحکام کو نئے چیلنجز کا سامنا ہوگا۔(جاری ہے)
سیمینار کے مہمان خصوصی زرعی یونیورسٹی فیصل آباد کے وائس چانسلرپروفیسرڈاکٹر اقرار احمد خاں نے کہا کہ انسانی غفلت و لاپرواہی کی وجہ سے کرہ ارض پر حیاتیاتی تنوع بری طرح متاثر ہوا ہے جبکہ بڑھتے ہوئے ماحولیاتی مسائل کی وجہ سے اوزون کی تہہ بھی متاثر ہورہی ہے جس کی وجہ سے گلیشئرزتیزی سے کم ہورہے ہیں اور موسمیاتی تغیرات زندگی کواپنی لپیٹ میں لئے ہوئے ہیں۔
انہوں نے کہا کہ پانی ذخیرہ کرنے کے وسائل میں فوری اضافہ کیا جانا چاہئے ۔ کینیڈین یونیورسٹی کے پروفیسرڈاکٹر قمر الزمان نے کہا کہ فصلات کوزرعی مداخل کیلئے آٹومیٹڈمشینوں کو رواج دیا جانا چاہئے کیونکہ عمومی طریقہ سے زرعی مداخل کی 30فیصد مقدار فصلوں کے کام نہیں آ پاتی۔ میگ گل یونیورسٹی کینیڈا کے ڈاکٹر علی مدانی نے کہا کہ بڑھتی ہوئی آبادی کیلئے پانی کی ضروریات میں اضافہ ہوگا جس کیلئے پانی ذخیرہ کرنے کے وسائل میں اضافہ کے ساتھ ساتھ دستیاب پانی کے ہوش منداستعمال کو فروغ دینا ہوگا۔انہوں نے حکومت پر زور دیا کہ عوامی سطح پر پانی کی بچت کیلئے شعوری مہم کو پوری شدت کے ساتھ شروع کیا جائے تاکہ آئندہ نسلوں کیلئے پانی کی دستیابی کو یقینی بنایا جا سکے۔ کانفرنس سے ڈین کلیہ ایگری انجینئرنگ و ٹیکنالوجی ڈاکٹر اﷲ بخش نون اور ڈائریکٹر واٹر مینجمنٹ ریسرچ سنٹر ڈاکٹر حامد شاہ نے بھی خطاب کیا۔`متعلقہ عنوان :
مزید تجارتی خبریں
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.