اردو یونیورسٹی کے ڈاکٹر ظفر اقبال فارغ، ڈاکٹر قیصر کو اضافی چارج دے دیا گیا

منگل 19 مئی 2015 14:06

کراچی(اُردو پوائنٹ اخبار تازہ ترین۔ 19 مئی۔2015ء)وفاقی اردو یونیورسٹی کے وائس چانسلر ڈاکٹر ظفر اقبال کو ان کے عہدے سے فارغ کر دیا گیا۔ جس کے بعد جامعہ کراچی کے وائس چانسلر ڈاکٹر قیصر نے جامعہ اردو کے قائم مقام وائس چانسلر کی حیثیت سے چارچ سنبھال لیا ہے۔

(جاری ہے)

ڈاکٹر ظفر اقبال کو کرپشن کے الزامات پر صدر پاکستان نے گزشتہ سال 20دسمبر کو رخصت پر بھیج دیا تھا، تاہم ڈاکٹر ظفر اقبال نے عدالت سے حکم امتناع لے لیا تھا۔

کل رینجرز اور پولیس نے مشرکہ کارروائی کرتے ہوئے، وفاقی اردو یونیورسٹی گلشن کیمپس کراچی میں واقع رجسٹرار آفس کا تالا توڑ کر قائم مقام وائس چانسلر ڈاکٹر قیصر کی تعیناتی ممکن بنائی۔ رجسٹرار جامعہ اردو کے مطابق ڈاکٹر ظفر اقبال کی جانب سے 20دسمبر 2014اور 28مئی 2015کے درمیان جاری کئے گئے، تمام انتظامی و مالی امور سے متعلق احکامات کالعدم قرار دے دیئے جائیں گے۔

Facebook Twitter Google + Share on Whatsapp

اردو یونیورسٹی کے ڈاکٹر ظفر اقبال فارغ، ڈاکٹر قیصر کو اضافی چارج دے دیا گیا

مزید قومی خبریں