درجہ حرارت میں اضافہ سے ترشاوہ پھل کیرے کا شکار ہو سکتے ہیں،انسدادی اقدامات یقینی بنائے جائیں، ماہرین زراعت

پیر 25 مئی 2015 14:35

فیصل آباد ۔25 مئی((اُردو پوائنٹ اخبار تازہ ترین۔ 25 مئی۔2015ء)) ماہرین زراعت نے کہاہے کہ ماہ جون کے دوران موسم گرما کی شدت اور درجہ حرارت میں اضافہ سے کنو ، مالٹا ، مسمی ، چکوترا ، ویلنشیا، لیموں سمیت دیگر ترشاوہ پھل کیرے کا شکار ہو سکتے ہیں لہٰذاباغبان انسدادی اقدامات یقینی بنائیں تاکہ انہیں کسی مالی نقصان یا پریشانی کاسامنا نہ کرناپڑے۔

(جاری ہے)

انہوں نے بتایاکہ 45 سے 50ڈگری سینٹی گریڈ کے درمیان درجہ حرارت پھلوں کو بری طرح متاثر کرتاہے لہٰذا باغبانوں کیلئے ضروری ہے کہ وہ ماہرین زراعت کی مشاورت سے تدارکی پہلووٴں پر عملدرآمد میں کسی غفلت یا کوتاہی کا مظاہرہ نہ کریں۔ انہوں نے کہاکہ باغبان ترشاوہ باغات کو زیادہ درجہ حرارت سے محفوظ رکھنے کیلئے مطلوبہ سفارشات پر عمل کریں کیونکہ شدید گرمی میں سبز پتے زرد ی مائل ہونا شروع ہوجاتے ہیں اس طرح نہ صرف پیڑوں سے پتے گرنے کاعمل شروع ہو جاتاہے بلکہ پھل کو نشاستہ نہ ملنے کی وجہ سے پھل بھی چھوٹے سائز کا رہ جانے سمیت زردی مائل ہو کر گرنا شروع ہو جاتاہے۔

انہوں نے کہاکہ مذکورہ صورتحال میں پھل کے اندر رس بننے کاعمل بھی متاثر ہوتاہے اس طرح جوس نہ ہونے سے ترشاوہ پھل پھوک میں تبدیل ہو جاتاہے۔

Facebook Twitter Google + Share on Whatsapp

درجہ حرارت میں اضافہ سے ترشاوہ پھل کیرے کا شکار ہو سکتے ہیں،انسدادی اقدامات یقینی بنائے جائیں، ماہرین زراعت

مزید تجارتی خبریں