سندھ مدرستہ الاسلام یونیورسٹی کے 9 طالب علم اور 4 فیکلٹی ارکان ”فیوچر لیڈر شپ ٹریننگ پروگرام“ کے تحت برطانیہ روانہ
جمعہ 5 جون 2015 14:22
کراچی (اُردو پوائنٹ اخبار تازہ ترین۔ 05 جون۔2015ء) سندھ مدرستہ الاسلام یونیورسٹی کے 9 طالب علم اور 4 فیکلٹی ارکان برٹش کونسل پاکستان کے تعاون سے ”فیوچر لیڈر شپ ٹریننگ پروگرام“ کے تحت جمعہ کو جناح انٹرنیشنل ایئرپورٹ سے برطانیہ کیلئے روانہ ہوگئے۔ اس موقع پر طالب علموں کے والدین اور سندھ مدرسہ یونیورسٹی کے مختلف شعبہ جات کے ڈین اور چیئر پرسن پروفیسر ڈاکٹر سید آصف علی‘ پروفیسر ڈاکٹر رخسار احمد اور پروفیسر ڈاکٹر انجم بانو کاظمی بھی موجود تھے۔
اس طرح سندھ مدرستہ الاسلام یونیورسٹی پاکستان کی واحد سرکاری یونیورسٹی بن گئی ہے جس نے اپنے طالب علموں اور فیکلٹی رکان کو برٹش کونسل پاکستان کے تعاون سے برطانیہ ”فیوچر لیڈر شپ ٹریننگ پروگرام“ کیلئے بھیجا ہے جن میں لرکے اور لڑکیاں برابر کے شریک ہیں۔(جاری ہے)
برٹش کونسل کے ساتھ سندھ مدرسہ یونیورسٹی کے کئے گئے سمجھوتے کے تحت برٹش کونسل‘ سندھ مدرسہ یونیورسٹی اور فیکلٹی کی اعلیٰ تعلیم اور تربیت میں سندھ مدرسہ یونیورسٹی کے ساتھ بھرپور تعاون کررہی ہے اور اسی سمجھوتے کے تحت ہی سندھ مدرسہ یونیورسٹی کے طالب علم اور فیکلٹی ارکان کو یہ موقع ملا ہے کہ وہ برطانیہ جاکر وہاں کی یونیورسٹیز کا دورہ کریں اور وہاں کے ممتاز تعلیم دانوں کے لیکچرز سنیں۔
برطانیہ جانے والے طالب علموں کا انتخاب خالص میرٹ کی بنیاد پر کیا گیا ہے جس عمل میں برٹش کونسل کی ٹیم بشمول برٹش کونسل کے سندھ اور بلوچستان کیلئے ڈائریکٹر روبن ڈیوس بھی شامل تھے۔ برطانیہ جانے والے سندھ مدرسہ یونیورسٹی کے طالب علم اور فیکلٹی ارکان بانی پاکستان قائداعظم محمد علی جناح کی سندھ مدرسہ کے بعد دوسری مادر علمی لنکنس ان کا بھی دورہ کریں گے۔ قائداعظم محمد علی جناح نے ساڑھے چار برسوں تک سندھ مدرسہ میں تعلیم حاصل کرنے کے بعد قانون کی تعلیم حاصل کرنے کیلئے لنکنس ان لنڈن میں داخلہ لیا تھا۔ سندھ مدرسہ یونیورسٹی کے وائس چانسلر ڈاکٹر محمد علی شیخ نے کامیاب طالب علموں کے والدین کو مبارکباد دیتے ہوئے منتخب طالب علموں سے کہا کہ ان کی تربیت سے ان کی اپنی ذات کے ساتھ ان کی مادر علمی سندھ ومدرسہ یونیورسٹی اور ملک پاکستان کو فائدہ پہنچے گا۔مزید تعلیم کی خبریں
-
اوپن یونیورسٹی کے زیر اہتمام ملک بھر میں امتحانات کل سے شروع ہو نگے
-
ساہیوال بورڈ کے زیر اہتمام سالانہ انٹرمیڈیٹ امتحانات 2024 کا آغاز ہو گیا
-
میٹرک بورڈ، جماعت نہم و دہم کے سالانہ امتحانی فارم جمع کرانے کی آخری تاریخ 23اپریل ہے، چیئرمین بورڈ
-
لاہور سمیت پنجاب بھر میں انٹرمیڈیٹ کے سالانہ امتحانات کا کل سے آغاز ہوگا
-
لاہور : 21 اپریل کو ضمنی انتخابات کے باعث انٹرمیڈیٹ کے 2 پیپرز ملتوی
-
علامہ اقبال اوپن یونیورسٹی نے سمسٹر بہار بی ایس پروگرام میں داخلہ کی تاریخ میں توسیع کر دی
-
وفاقی نظامت تعلیمات نے پانچویں اور آٹھویں جماعتوں کے سنٹرلائزڈ امتحانات کے نتائج کا اعلان کردیا
-
اوپن یونیورسٹی نے داخلوں کی تاریخ میں 25اپریل تک توسیع کردی
-
انٹرمیڈیٹ حصہ دوم (فریش اینڈ فیلیئر)اور حصہ دوم و حصہ اول باہم کے سالانہ امتحانات برائے 2024 ء میں شرکت کے خواہشمند سائنس پری میڈیکل، پری انجینئرنگ، سائنس جنرل اور ہوم اکنامکس گروپس کے سرکاری تعلیمی ..
-
انٹرمیڈیٹ پارٹ ٹو کے سالانہ امتحانات 19 اپریل سے شروع ہونگے
-
ساہیوال بورڈ کے زیر انتظام انٹرمیڈیٹ (پہلا سالانہ) امتحان 2024 جمعہ 19اپریل سے شروع ہو گا
-
میٹرک اور انٹر کے امتحان، اسلامیات اور مطالعہ پاکستان کے نمبروں میں اضافہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.