ہواوے دنیا بھر میں سمارٹ فون اورٹیلی کمیونکیشنزسلوشنز فراہم کرنے والی چوتھی بڑی کمپنی بن گئی

لاہور ( اُردو پوائنٹ اخبار تازہ ترین۔ 22 جولائی۔2015ء) موبائل اورٹیلی کمیونیکیشن سلوشنزفراہم کرنیوالی معروف عالمی کمپنی ہواوے دنیا بھر میں سمارٹ فون اورٹیلی کمیونکیشنزسلوشنز فراہم کرنے والی چوتھی بڑی کمپنی بن گئی ۔ 2015 ء کی پہلی سہ ماہی کے اعدادوشمارکے مطابق ہواوے دنیا کی چوتھی سب سے بڑی اسمارٹ فون مینوفیکچررہے ۔کولمبیا اور میکسیکو میں ہواوے کا مارکیٹ شیئر اب بالترتیب 16 فیصد اور 5.9 فیصد ہے۔

ہواوے کنزیومر بی جی کے سی ایم اوZhang Xiaoyun کا کہنا ہے کہ ایپل جدت طرازی میں باصلاحیت توہواوے اینڈرائیڈ کی دنیا کا ایک بڑا کھلاڑی ہو سکتا ہے۔سٹریٹیجک تجزیہ کے مطابق کولمبیا میں ہواوے اسمارٹ فون مارکیٹ کا 16 فیصد ہے ، وینزویلا میں بھی صورتحال ایسی ہی ہے جبکہ میکسیکو میں یہ شرح 5.9 فیصد ہے۔

(جاری ہے)

ہواوے کوشروع ہوئے ابھی صرف پانچ سال ہوئے ہیں اوراتنے کم عرصہ میں یہ اعدادوشمارانتہائی اہم قراردیئے جارہے ہیں۔

ہواوے چینی مینوفیکچررز ہے جس نے مارکیٹ میں دنیا کی معروف موبائل فون کمپنیوں کو سخت مسابقتی ماحول دیاہے۔ ہواوے کی کامیابیوں کی حکمت عملی میں سے ایک قیمت کی حکمت عملی رہی ہے۔ ہواوے پاکستان کے ڈائریکٹر ڈیوائس Fanhong Bruce نے اس حکمت عملی کی وضاحت کرتے ہوئے کہا کہ جب ہمیں مختلف ممالک میں ایک مضبوط بنیا د مل جاتی ہے تو ہم اپنے آلات میں مزید جدت ڈال دیتے ہیں ۔

انہوں نے کہا کہ ہم ہمیشہ مختلف زاویوں سے مسائل کوہدف بنانے کی کوشش کرتے ہیں ۔ایک اور حکمت عملی یہ ہے کہ کمپنی کا تمام شعبوں کاپروڈکشن چین ہے جوہمیں مارکیٹ میں طلب کو فوری طورپر پورا کرنے کے قابل بناتاہے۔Huawei کے ایگزیکٹو آفیسرGlory Zhang نے Huawei کی مارکیٹ کی ترقی پر اپنے خیالات کا اظہارکرتے ہوئے کہا کہ ہم نے پرانے سمارٹ فونز کی تبدیلی کا بیڑہ اٹھا یا ہے ۔ترقی یافتہ ممالک میں اس شعبہ کے بڑے فوائد ہیں۔