ہواوے کے نئے اسمارٹ فون میٹس کی پری بکنگ شروع ہوگئی

جمعہ 2 اکتوبر 2015 19:27

لاہور (اُردو پوائنٹ اخبار تازہ ترین۔ 02 اکتوبر۔2015ء ) معروف ٹیکنالوجی اینوویٹر ہواوے تسلسل سے مارکیٹ میں ایسی مصنوعات متعارف کروارہا ہے جس سے صاف ظاہر ہے کہ کمپنی اہم خصوصیات سے لیس ایسے جدید اوراعلی تکنیکی آلات کی مینوفیکچرنگ میں اپنی تمام تر توانائیاں صرف کررہی ہے جو اپنے دلکش ڈیزائن اورمنفرد فیچرزکی وجہ سے صارفین کی پسند کے عین مطابق ہوں۔

ہواوے کا تازہ ترین سمارٹ فون میٹس پورے پاکستان کی موبائل مارکیٹس میں تیزی سے اپنی جگہ بنارہا ہے ۔ہواوے میں کام کرنیوالے عہدیداران نے اعلان کیا ہے کہ میٹس کیلئے پری بکنگ شروع ہوچکی ہے اورصارفین کی جانب سے اس کا زبردست ردعمل مل رہا ہے ۔ حکام کا کہنا ہے کہ میٹ ایس پاکستانی مارکیٹ میں 67.999 روپے میں دستیاب ہوگا اور جولوگ میٹ ایس کی پہلے سے بکنگ کریں گے انہیں ہواوے کی طرف سے بلوٹوتھ اسپیکر یا ٹاک بینڈ بی ٹو کا تحفہ بھی دیا جائے گا۔

(جاری ہے)

ہواوے کے مارکیٹنگ سربراہ فرازایم خان کا کہنا ہے کہ ہواوے نے خود کومارکیٹ میں عظمت اور اعتماد کے ایک برانڈ کے طور پرتسلیم کروایا ہے ۔انھوں نے کہاکہ ہم نے مارکیٹ میں انتہائی موثرطریقے سے ایسے ڈیوائسز تقسیم کئے ہیں جس نے نہ صرف ہمارے صارفین کا اعتماد بلکہ عالمی ٹیلی کمیونیکیشن مارکیٹ میں بھی سرفہرست پوزیشن حاصل کی ہے ۔انہوں نے کہا کہ میٹ ایس کے آغاز سے مارکیٹ میں اسمارٹ فون دنیا میں ہماری اہمیت میں کئی گنا اضافہ ہو جائے گا اور ہماری جدید ٹیکنالوجی کامیابی سے لوگوں کو قریب لائے گی۔میٹس ہواوے کی طرف سے حالیہ متعارف کردہ جدید اسمارٹ فون ہے اور اس نے اپنی حیرت انگیز اور منفرد خصوصیات کی وجہ سے ناقدین سے بھی زبردست تعریف حاصل کی ہے۔

Facebook Twitter Google + Share on Whatsapp

ہواوے کے نئے اسمارٹ فون میٹس کی پری بکنگ شروع ہوگئی

متعلقہ عنوان :

مزید اہم خبریں