مسلمانوں کے خلاف بیانات،امریکی این جی اوز کا واشنگٹن میں ٹرمپ انٹرنیشنل ہوٹل کے باہر احتجاجی مظاہرہ

واشنگٹن(اُردو پوائنٹ اخبارتازہ ترین - این این آئی۔12 دسمبر۔2015ء) مسلمانوں کے خلاف ریپبلکن صدارتی امیدوار ڈونلڈ ٹرمپ کے حالیہ بیان کے خلاف مختلف امریکی این جی اوز نے واشنگٹن میں ٹرمپ انٹرنیشنل ہوٹل کے باہر احتجاجی مظاہرہ کیا۔کوٹ پنک نامی تنظیم کی اپیل پر منعقد ہونے والے مظاہرے میں نیشنل آرگنائزیشن آف ویمن، کانگریشنل یونائیٹڈ چرچ اور دیگر امریکی این جی اوز کے نمائندوں نے بھی شرکت کی۔

(جاری ہے)

مظاہرین ہاتھوں میں پلے کارڈ اٹھائے ہوئے تھے جن پر ڈونلڈ ٹرمپ کے خلاف نعرے درج تھے اور وہ ٹرمپ کی صدارتی انتخابات کے لئے نااہلی کا مطالبہ کر رہے تھے۔ مظاہرین میں شامل ایک شامی نژاد سرگرم کارکن، گادا موکیدانے کہا کہ ٹرمپ کے بیانات نہ صرف دنیا بھر میں امریکہ کی ساکھ خراب کر رہے ہیں، بلکہ دہشت گردوں کی مدد بھی کر رہے ہیں۔بقول ان کے، انھیں عدالت میں کھڑا کیا جانا چاہئے۔کانگریشنل یونائیٹڈ چرچ کے ترجمان، ریونڈ گرے لینڈ ہیگر نے کہا کہ ہم مسلمانوں کے ساتھ ہیں۔ ٹرمپ کا مطالبہ جموری روایت کے منافی ہے۔ امریکہ میں مذہبی اور نسلی امتیاز نہیں کیا جاتا اور نہ ہی کرنا چاہئے۔