رایا، سرسوں ، کینولہ سے حاصل شدہ تیل صحت کے لیے فائدہ مند ہے ،ماہرین

جمعرات 28 جنوری 2016 14:03

فیصل آباد۔28 جنوری(اُردو پوائنٹ اخبارتازہ ترین - اے پی پی۔28 جنوری۔2016ء) ماہرین تیل دار اجناس نے کاشتکاروں کو بتایا ہے کہ خان پور رایا اور چکوال سرسوں زیادہ پیداوار دینے والی اقسام ہیں جبکہ کینولہ گوبھی سرسوں میں مضر صحت اجزاء کی مقدار کافی کم ہوتی ہے اس لیے ان سے حاصل شدہ تیل صحت کے لیے فائدہ مند ہوتا ہے۔ انہوں نے بتایاکہ رایا ،سرسوں اور کینولہ کی فصل پھلیاں بننے اور پکنے کے مراحل میں داخل ہوچکی ہے لہٰذااس وقت اس کی بہتر دیکھ بھال سے فی ایکڑ پیداوار میں اضافہ کویقینی بنایاجائے ۔

(جاری ہے)

انہوں نے کہاکہ کاشتکار اپنی فصل کو تیسرا پانی پھلیاں بننے پر لگائیں ۔انہوں نے بتایا کہ سست تیلہ ،آر دار مکھی ، گوبھی کی تتلی اور دھبے دار بگ حملہ آور ہو کر فصل کے نقصان کا باعث بنتی ہیں۔ان کے جسم سے خارج شدہ لیس دار مادے سے تپوں پر سیاہ رنگ کی اُلی لگنے سے پودوں میں خوراک بنانے کا عمل شدید متاثر ہوتا ہے اور پیداوار میں نمایاں کمی ہوجاتی ہے۔انہوں نے کہاکہ کاشتکار ان کیڑوں کے مربوط طریقہ انسداد میں کھیت کو جڑی بوٹیوں سے پاک رکھیں اور کسان دوست کیڑوں کی تعداد بڑھائیں ۔انہوں نے کہاکہ حملہ شدہ فصل کے مڈھوں کو برداشت کے فوراً بعد تلف کردیاجائے کیونکہ اس طرح دھبے دار بگ کے انڈے اور بچے بھی تلف ہوجائیں گے ۔

Facebook Twitter Google + Share on Whatsapp

رایا، سرسوں ، کینولہ سے حاصل شدہ تیل صحت کے لیے فائدہ مند ہے ،ماہرین

متعلقہ عنوان :

مزید تجارتی خبریں