سندھ اسمبلی میں ایم کیو ایم کے محمد حسین اور ڈپٹی اسپیکر شہلا رضا کے درمیان تلخ جملوں کا تبادلہ

میاں محمد ندیم جمعرات 4 فروری 2016 17:51

کراچی (ا ردو پوائنٹ اخبارتازہ ترین-انٹرنیشنل پریس ایجنسی۔04فروری۔2016ء) سندھ اسمبلی میں ایم کیو ایم کے محمد حسین اور ڈپٹی اسپیکر شہلا رضا کے درمیان تلخ جملوں کا تبادلہ ، محمد حسین نے کہاکہ عزیر بلوچ کی تصویریں شرمیلا فاروقی اور شہلا رضا کے ساتھ ہیں جس پرڈپٹی اسپیکر نے کہا کہ میری تصویریں ہیںجس نے جو کرنا ہے کر لے۔

(جاری ہے)

تفصیلات کے مطابق سندھ اسمبلی کے اجلاس کے دوران ایم کیو ایم کے محمد حسین نے تقریر کرتے ہوئے کہا کہ پیپلز پارٹی کی رہنماوں شرمیلا فاروقی اور شہلا رضا کی تصویریں گینگ وار کے سرغنہ عزیر بلوچ کے ساتھ ہیں، جس پر ڈپٹی اسپیکر شہلا رضا نے جواب دیتے ہوئے کہا کہ ان کی تصویریں عزیر بلوچ کے ساتھ ہیںجس نے جو کرنا ہے کر لے کم از کم ان کی تصویریں اجمل پہاڑی اور جاوید لنگڑا کے ساتھ نہیں ہیں۔

شہلا رضا نے محمد حسین سے کہا کہ آپ کی طبعیت ٹھیک نہیں ہے، آپ دوا کھا کر آئیں، یہ کہتے ہوئے ڈپٹی اسپیکر نے محمد حسین کا مائیک بند کر دیا۔