اسکولوں پر دستی بموں کے حملے اور طالبات پر تشدد باعث تشویش ہے،شاہد فراز
سندھ حکومت شاید آرمی پبلک اسکول ،باچا خان یونیورسٹی جیسے سانحہ کا انتظار کررہی ہے
ہفتہ 13 فروری 2016 22:27
کراچی (اُردو پوائنٹ اخبارتازہ ترین - آن لائن۔13 فروری۔2016ء) مہاجرقومی موومنٹ (پاکستان) کے سیکریٹری جنرل نے اسکولوں پر دستی بموں کے حملوں اور طالبات پر تشدد کی اطلاعات پر تشویش کا اظہار کرتے ہوئے کہا کہ تعلیمی اداروں پر حملے کی دھمکیوں کو مہینے سے زیادہ گذر چکا لیکن سندھ حکومت حفاظتی اقدامات کی بجائے ابھی تک بحث میں الجھی ہوئی ہے ،سندھ حکومت کی لاپرواہی سے اگر کراچی کے تعلیمی اداروں یا طلبہ کو کوئی نقصان پہنچا تو اسے معاف نہیں کیا جائیگا۔
چیئرمین آفاق احمد کی رہائش گاہ پر گلشن اقبال سے آنے والے وفد سے گفتگو کرتے ہوئے شاہد فراز نے کہا کہ وزیر اعلیٰ سندھ بار بار کے پی کے جیسے حملے نہ ہونے کا شور مچا کر کیا ثابت کرنا چاہتے ہیں؟ کیا انہیں جاگنے کیلئے آرمی پبلک اسکول اور باچا خان یونیورسٹی جیسے کسی سانحہ کا انتظار ہے؟۔(جاری ہے)
شاہد فراز نے کہا کہ اس حقیقت سے انکار نہیں کہ کراچی میں تعلیمی اداروں کی تعداد ہزاروں میں ہے اور ہر ادارے کا انفرادی تحفظ مشکل کام ہے لیکن سوال یہ پیدا ہوتا ہے کہ سندھ حکومت نے دہشت گردی کو کنٹرول کرنے کیلئے اب تک کونسے اقدامات کئے؟۔
سندھ حکومت نے شہر سے دہشت گردی نیٹ ورک ختم کرنے کیلئے اپنی ذمہ داریاں سنجیدگی کے ساتھ ادا کی ہوتیں تو صورتحال بہت مختلف ہوتی ،شہر کے امن میں جو بہتری نظر آرہی ہے وہ رینجرز کی وجہ سے ہے جس پر سب سے زیادہ تکلیف خود سندھ حکومت کو ہوتی رہی ہے۔شاہد فراز نے کہا کہ قیام امن کی ذمہ دار حکومت کی جبکہ سیکیورٹی اداروں کا کردار معاونت تک محدود ہوتا ہے لیکن سندھ میں الٹا نظام رائج ہے جہاں دہشت گردوں کو حکومتی سرپرستی حاصل ہے اور بحالی امن کا مشکل ٹاسک رینجرز کے سپرد ہے۔انہوں نے مزید کہا کہ آرمی چیف کا دہشت گردی خاتمہ کا عزم باعث فخر ہے،دہشت گردی کے خاتمہ کی ہر کوشش میں کراچی کے عوام سیکیورٹی اداروں کا بھرپور ساتھ دیں گے۔متعلقہ عنوان :
مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
-
خواجہ سلمان رفیق کا عزیز بھٹی شہید ہسپتال گجرات میں چھت گرنے کے واقعہ کا نوٹس،رپورٹ طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.