خیبرپحتونخواہ کے لیے نامزد گورنراقبال ظفر جھگڑاکی زندگی کا مختصرجائزہ

Mian Nadeem میاں محمد ندیم بدھ فروری 23:55

خیبرپحتونخواہ کے لیے نامزد گورنراقبال ظفر جھگڑاکی زندگی کا مختصرجائزہ

اسلام آباد(ا ردو پوائنٹ اخبارتازہ ترین-انٹرنیشنل پریس ایجنسی۔24فروری۔2016ء)مسلم لیگ (ن)کے راہنماءاور خیبرپحتونخواہ کے لیے نامزد گورنراقبال ظفر جھگڑا 17 مئی 1947 کو پشاور کے نواحی گاوں جھگڑا میں پیدا ہوے - ان کے دادا ابراھیم خان جھگڑا اور والد ملک مظفر خان جھگڑا تحریک پاکستان کے کارکن تھے - 1969 میں پشاور انجنیئرنگ کالج سے سول انجمیرنگ کی - 1970 میں ائریگیشن ڈیپارٹمنٹ میں بطور ایس ڈی او فرائض سرانجام دیے اور 1977 میں سعودیہ عربیہ میں ملازمت کی 1984 میں مسلم لیگ ن میں شمولیت اختیار کی 1988 میں مسلم لیگ ن پشاور کے صدر 1996 میں صوبائی سنئیر نائب صدر 1997 میں پھلی دفعہ سینٹر منتخب ہوے - اور سینٹ میں ڈیفینس کمیٹی کے چیرمین اور وزیراعظم کے مشیر 1998 میں صوبائی جنرل سیکرٹری منتخب ہوے - اقبال ظفر جھگڑا 12 اکتوبر 1999 کے بعد جمہوریت کے بحالی میدان عمل میں نکل اے - وہ 3 دسمبر 2000 کو اے آر ڈی کے پھلے سیکرٹری جنرل بنے 25 دسمبر کو پارٹی کے بھی سیکرٹری جنرل بنے جب کہ ستمبر 2006 میں اے پی ڈی ایم کے بھی سیکرٹری جنرل رہے وہ دسمبر 2009 میں دوسری مرتبہ سینٹر بنے - اقبال ظفر جھگڑا پاکستان کے تاریخ میں کسی بھی جمہوریت کیلے جدوجہد کے تحریک کے طویل ترین عرصہ سیکرٹری جنرل کے عہدے پر فائز رہنے والے رہنما ہیں اقبال ظفر جھگڑا پچھلے سال ایک مرتبہ پھر اسلام آباد سے سینٹر منتخب ہوے وہ سینٹ میں مسلم لیگ ن کے پارلیمانی لیڈر کیساتھ ساتھ پانی و بجلی کے قائمہ کمیٹی کے چیرمین بھی رہے