پنجاب یونیورسٹی کے زیر اہتمام چھاتی کے سرطان بارے آگاہی کیمپس کا انعقاد
ثنااللہ ناگرہ جمعرات 24 مارچ 2016 18:38
لاہور(اردوپوائنٹ اخبار تازہ ترین۔24مارچ۔2016ء) :پنجاب یونیورسٹی اکیڈمک سٹاف ایسو سی ایش اور ہیلتھ سنٹر کے زیر اہتمام پنک ربن پاکستان کے اشتراک سے انڈر گرایجوئیٹ بلاک اور ہیلتھ سنٹر میں چھاتی کے سرطان بارے آگاہی فراہم کرنے کیلئے کیمپس لگائے گئے جہاں پرنسپل لاء کالج ڈاکٹر شازیہ قریشی ، سیکریٹری آسا ڈاکٹر محبوب حسین، چیف میڈیکل آفیسر پنجاب یونیورسٹی ڈاکٹر تحسین ضمیر، اسسٹنٹ پروفیسرز سونیا عمر اور ڈاکٹر ثنیہ زاہر املک کے علاوہ بڑی تعدا میں اساتذہ ،ملازمین اور طلباء طالبات نے دورہ کیا۔
اپنے بیان میں ڈاکٹر تحسین نے کہا کہ ایشین ممالک میں چھاتی کے سرطان میں مبتلا ہونے والوں کی تعداد سب سے زیادہ پاکستان میں ہے یعنی ہر سال تقریباًنوے ہزار مریضوں کا علاج کیا جاتا ہے جن میں سے چالیس ہزار کی موت ہو جاتی ہے۔(جاری ہے)
انہوں نے کہا کہ ہر نو میں سے ایک خاتون عمر کے کسی بھی حصے میں اس بیماری کا شکار ہو جاتی ہے لیکن اگر مرض کی جلدی تشخیص ہوجائے تو بچنے کے چانسز نوے فیصد تک بڑھ جاتے ہیں۔
انہوں نے کہا خواتین اپنا خود معائنہ کر کے اس موذی اور خطرناک مرض سے بچ سکتی ہیں۔ انہوں نے کہا کہ پاکستان میں بڑھتے ہوئے اس مرض کو روکنے کیلئے ہر سطح پر آگاہی پھیلائی جانی چاہیے۔ انہوں نے کہا ورلڈ ہیلتھ آرگنائزیشن کے مطابق چھاتی کا سرطان تیزی سے پھیلتا ہوا مرض ہے جو نوجوانوں کو بھی نہیں چھوڑ تا۔ انہوں نے کہا کہ پاکستان میں اس مرض سے مرنے والی خواتین کی شرح اس لئے زیادہ ہے کیونکہ آگاہی کا فقدان ہے اور بیماری کا بہت دیر میں پتا لگتا ہے جس کیلئے ہمیں ایسے اقدامات اٹھانے ہوں گے کہ اس بیماری کی جلد تشخیص کرکے اس کا تدارک کیا جا سکے۔ انہوں نے کہا کہ چھاتی کے سرطان سے صرف مریض ہی نہیں بلکہ پورے خاندان کی سماجی اور معاشی زندگی متاثر ہوتی ہے۔دریں اثناء منتظمین نے کیمپس کا دورہ کرنے والے اساتذہ ، ملازمین اور طلبہ میں آگاہی پمفلٹ تقسیم کئے۔متعلقہ عنوان :
مزید تعلیم کی خبریں
-
ساہیوال بورڈ کے زیر اہتمام سالانہ انٹرمیڈیٹ امتحانات 2024 کا آغاز ہو گیا
-
میٹرک بورڈ، جماعت نہم و دہم کے سالانہ امتحانی فارم جمع کرانے کی آخری تاریخ 23اپریل ہے، چیئرمین بورڈ
-
لاہور سمیت پنجاب بھر میں انٹرمیڈیٹ کے سالانہ امتحانات کا کل سے آغاز ہوگا
-
لاہور : 21 اپریل کو ضمنی انتخابات کے باعث انٹرمیڈیٹ کے 2 پیپرز ملتوی
-
علامہ اقبال اوپن یونیورسٹی نے سمسٹر بہار بی ایس پروگرام میں داخلہ کی تاریخ میں توسیع کر دی
-
وفاقی نظامت تعلیمات نے پانچویں اور آٹھویں جماعتوں کے سنٹرلائزڈ امتحانات کے نتائج کا اعلان کردیا
-
اوپن یونیورسٹی نے داخلوں کی تاریخ میں 25اپریل تک توسیع کردی
-
انٹرمیڈیٹ حصہ دوم (فریش اینڈ فیلیئر)اور حصہ دوم و حصہ اول باہم کے سالانہ امتحانات برائے 2024 ء میں شرکت کے خواہشمند سائنس پری میڈیکل، پری انجینئرنگ، سائنس جنرل اور ہوم اکنامکس گروپس کے سرکاری تعلیمی ..
-
انٹرمیڈیٹ پارٹ ٹو کے سالانہ امتحانات 19 اپریل سے شروع ہونگے
-
ساہیوال بورڈ کے زیر انتظام انٹرمیڈیٹ (پہلا سالانہ) امتحان 2024 جمعہ 19اپریل سے شروع ہو گا
-
میٹرک اور انٹر کے امتحان، اسلامیات اور مطالعہ پاکستان کے نمبروں میں اضافہ
-
علامہ اقبال اوپن یونیورسٹی کی کالونی کی مسجد میں رمضان المبارک کی 25ویں رات ختم القرآن کی محفل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.