پاکستانی طلبہ کا کارنامہ، کاٹن کے وائرس سے محفوظ پودے تیار

جمعہ 25 مارچ 2016 13:15

لاہور(اُردو پوائنٹ اخبارتازہ ترین - آن لائن۔25 مارچ۔2016ء) پنجاب یونیورسٹی کے طلبہ کا کارنامہ، نئی تحقیقی صلاحیتیوں اور جدید ٹیکنالوجی کی مدد سے کاٹن کی وائرس سے محفوظ پیداوار حاصل کرکے ایشیاء میں پہلا مقام حاصل کر لیا۔کپاس کے پودے اب اگیں گے مٹی کے بغیر، سینٹر آف ایکسیلنس ان مولیکیولر بایولوجی کے سائنسدانوں نے نیا فارمولا تیار کرلیا، جس سے کپاس کی پیداوار بھرپور ہوگی اور وائرس سے بھی محفوظ رہے گی۔

(جاری ہے)

جدید ٹیکنالوجی کے ذریعے کپاس کی جینز میں براہ راست تبدیلی کرکے ٹنل فارمنگ کے ذریعے 3 سے 4 ہفتوں میں وائرس سے محفوظ پودا تیار کرلیا جاتا ہے۔ریسرچرز کے مطابق ٹنل فارمنگ ٹیکنالوجی کسانوں کیلئے سستی اور کارآمد ثابت ہوتی ہے اور گرمیوں کی اس فصل کو وہ 12 مہینے مصنوعی طریقے سے اگاتے ہیں۔جنیٹک انجینئرنگ کی بنیاد پر حاصل کردہ اس ٹیکنالوجی کی بدولت جلد ہی چین کے سائنسدان بھی ان ریسرچرز کے ساتھ مل کر اس پراجیکٹ پر کام کریں گے۔نئی ٹیکنالوجی کے ذریعے طلبہ پاکستان میں کاٹن کی بہتر پیداوار بھی کر رہے ہیں اور ساتھ ہی ملک و قوم کا نام بھی روشن کر رہے ہیں۔

Facebook Twitter Google + Share on Whatsapp

پاکستانی طلبہ کا کارنامہ، کاٹن کے وائرس سے محفوظ پودے تیار

مزید تجارتی خبریں