بھارت فوج کا ضلع بڈگام میں مشکوک سروے‘ مقامی افراد کو تشویش لاحق
راشٹریہ رائفلز کے اہلکاروں نے 23 مارچ کو گھرگھر سروے کے دوران لوگوں کی تفصیلات اکٹھی کیں اور ہر گھر کو ایک نمبر الاٹ کیا فوج مقامی انتظامیہ کی اجازت کے بغیر کسی بھی قسم کا سروے نہیں کر سکتی‘ سابق ایڈیشنل ایڈووکیٹ جنرل وشال شرما
منگل 29 مارچ 2016 13:43
سرینگر (اُردو پوائنٹ اخبارتازہ ترین - این این آئی۔29 مارچ۔2016ء) مقبوضہ کشمیر میں بھارتی فوج ضلع بڈگام میں ایک مشکوک سروے کررہی ہے جس پر مقامی افراد میں شدید تشویش لاحق ہے ۔کشمیر میڈیا سروس کے مطابق بھارتی فوج کی راشٹریہ رائفلز کے اہلکار ضلع بڈگام کی تحصیل بھگت کانی پورہ کے علاقے مسلم آباد میں گھر گھر جا کر سروے کر رہے ہیں۔ اس سروے کے بارے میں پولیس اور سول انتظامیہ کو بھی آگاہ نہیں کیاگیا ہے۔
مسلم آباد کے رہائشیوں نے میڈیا کو بتایا ہے کہ راشٹریہ رائفلز کے اہلکاروں نے 23 مارچ کو گھرگھر سروے کے دوران لوگوں کی تفصیلات اکٹھی کیں اور ہر گھر کو ایک نمبر الاٹ کیا۔ انہوں نے بتایا کہ فوجی گھروں کے مکینوں ،انکے نام ، فون نمبر اور پیشے کے بارے میں معلومات اکٹھی کررہے ہیں۔(جاری ہے)
ایک شہری نے اپنا نام ظاہر نہ کرنے کی شرط پر بتایا کہ علاقے کے لوگوں کو فوج کے اس مشکوک سروے پر شدید تشویش لاحق ہے ۔
مقامی افراد نے بتایا کہ فوجی سروے کرنے کے بعد گھروں کی دیواروں یا دروازوں پر نمبر لگا رہے ہیں۔ڈپٹی کمشنر بڈگام الطاف میرنے کہاہے کہ فوج نے سول انتظامیہ کی اجازت کے بغیر سروے کیاہے ۔ معروف وکیل اور سابق ایڈیشنل ایڈووکیٹ جنرل وشال شرما نے کہاکہ فوج مقامی انتظامیہ کی اجازت کے بغیر کسی بھی قسم کا سروے نہیں کر سکتی ہے ۔ انہوں نے کہاکہ فوج کو سروے سے قبل ضلعی انتظامیہ سے اجازت لیناضروری ہے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.