امریکہ میں ڈرون نے سیکس ورکر کو پکڑوا دیا،خاتون کا اعتراف جرم
جمعرات 31 مارچ 2016 21:54
اوکلاہوما (اُردو پوائنٹ اخبارتازہ ترین - آئی این پی۔31 مارچ۔2016ء ) امریکی ریاست اوکلاہوما میں ڈرون نے سیکس ورکر کو پکڑوا دیا،خاتون نے مقامی ڈرون وِجیلانٹی (خدائی خدمت گار) کی جانب سے بنائی جانے والی فلم کے سامنے آنے کے بعد غیر اخلاقی حرکات میں ملوث ہونے کا اعتراف کر لیا ۔غیر ملکی میڈیاکے مطابق برائن بیٹس نے گذشتہ سال اگست میں ڈرون طیارے کے ذریعے ایک مرد اور امینڈا زولیکفر کے درمیان جسمانی رابطے کی فلم بنائی تھی۔
بیٹس کہتے ہیں کہ یہ پہلا موقع ہے جب انھوں نے اس قسم کے کسی واقعے کو ڈرون کے ذریعے فلم بند کیا۔دوسری جانب شہری آزادی کے لیے کام کرنے والے ایک کارکن کا کہنا ہے کہ ڈرونز کے ذریعے فلم بندی سے عام لوگوں کی ذاتی زندگی متاثر ہونے کے متعلق سوالات اٹھتے ہیں۔(جاری ہے)
عدالتی دستاویزات کے مطابق زولیکفر کو اس جرم میں ایک سال کی سزا ہوئی ہے۔زولیکفر کے مبینہ گاہک کو دسمبر میں گرفتار کرنے کے بعد رہا کر دیا گیا تھا جبکہ ان کے خلاف مقدمہ ابھی زیرالتوا ہے۔
کھڑی ہوئی گاڑی کے اندر دونوں فریقین کے درمیان ہونے والی ملاقات کی ویڈیو فلم بیٹس نے اوکلاہوما کی پولیس کو مہیا کی تھی۔بیٹس نے بتایا کہ اوکلاہوما شہر میں لوگ مجھے جانتے ہیں۔ گذشتہ 20 سالوں کے دوران میں نے سڑکوں پر اور زبردستی ہونے والے جسم فروشی کے کاروبار، اور انسانی سمگلنگ کو ویڈیو کیمرے کے ذریعے فلم بند کیا ہے۔بیٹس کا مزید کہنا تھا کہ اس واقعے کو ڈرون کے ذریعیعکس بند کرتے وقت انھوں نے خود کو محفوظ تصور کیا تھا اور وہ بہت اچھی تصاویر حاصل کرنے میں کامیاب ہوگئے تھے۔بیٹس ایک ویب سائٹ بھی چلاتے ہیں جس پر وہ مبینہ جسم فروشوں اور ان کے گاہکوں کی ویڈیو شائع کرتے ہیں۔انھوں نے کہا کہ وہ لوگ جو ممکنہ طور پر منشیات، جسم فروشی، یا پھر علاقے کے غنڈوں کے خلاف ڈرون استعمال کرنے کے خواہش مند ہیں میں ان سب کو ہوشیار کرنا چاہتا ہوں۔ اگر صورت حال ذرا بھی آپ کے حق میں نہ ہوئی تو آپ کو مجرمانہ اقدامات کے الزامات یا ہرجانے کا سامنا ہو سکتا ہے۔برطانیہ کی انسانی حقوق کی تنظیم اوپن رائٹس گروپ کے ایگزیکٹیو ڈائریکٹر جم کلوک کہتے ہیں وہ لوگ جو ڈرونز کا استعمال کر رہے ہیں انھیں یہ سوچنا ہوگا کہ کیا ان کے پاس لوگوں کی خلوت میں مداخلت کرنے کی معقول وجہ ہے۔مزید بین الاقوامی خبریں
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.