علامہ اقبال اوپن یونیورسٹی نے چھ ماہ دورانیہ کے 9 مختلف زرعی کورسز میں داخلوں کا آغاز کردیا
جمعہ 1 اپریل 2016 19:31
اسلام آباد ۔ یکم اپریل (اُردو پوائنٹ اخبارتازہ ترین - اے پی پی۔یکم اپریل۔2016ء) علامہ اقبال اوپن یونیورسٹی نے زرعی شعبے میں پروفیشل اپ گریڈیشن کے لئے چھ ماہ دورانیہ کے 9 مختلف زرعی کورسز میں داخلوں کا آغاز کردیا ہے۔ ان کورسز میں پودوں کی حفاطت، تیل دار فصلوں کی کاشت، فارم مشینری، باغبانی کے جدید عملی طریقے، نفع بخش زرعی مہارتیں، مرغبانی، ڈیری فارمنگ، جدید زراعت اور گھریلو زرعی امور کا انتظام جیسے کورسز شامل ہیں۔
ان تمام پیشہ ورانہ تعلیمی پروگراموں کے داخلے لیٹ فیس چارجز کے ساتھ 11 اپریل تک جاری ہیں۔ وائس چانسلر پروفیسر ڈاکٹر شاہد صدیقی کے مطابق مختصر دورانیہ کے زرعی کورسز متعارف کرانے کا بنیادی مقصد دیہی علاقوں میں بسنے والے لوگوں کو اپنے ہی علاقوں میں رزق حلال کمانے کے قابل بنانا ہے۔(جاری ہے)
انہوں نے کہا کہ ان کورسز کے نصابات کو تیار اور اپ ڈیٹ کرانے میں زرعی ماہرین اور فیکلٹی ممبران سے تجاویز طلب کی گئی تھی تاکہ زرعی شعبے سے وابستہ افراد کو تازہ ترین تراکیب اور طریقوں سے لیس کیا جا سکے۔
چھ ماہ دورانیہ کے سرٹیفیکیٹ کورسز جن میں اللسان العربی)ابتدائی عربی کورس(، عربی بول چال، لغت القرآن، سرٹیفیکیٹ ان لائبریرین شپ، گھر میں تیار شدہ مصنوعات کی فروخت اور فرنچ آن لائن کورسز شامل ہیں، کے داخلے بھی جاری ہیں۔ آٹھ پروگرامز میں ایسوسی ایٹ ڈگری ان کامرس کے داخلے بھی پیش کئے گئے ہیں۔ ان پروگرامز میں اکاؤنٹنگ اینڈ فنانس، بینکنگ اینڈ فنانس، ہاسپٹل مینجمنٹ، ہوٹل مینجمنٹ، ہیومن ریسورس مینجمنٹ، آئی ٹی مینجمنٹ، مارکیٹنگ مینجمنٹ اور ٹورازم مینجمنٹ شامل ہیں۔ سمسٹر بہار 2016ء میں پیش کئے گئے تمام تعلیمی پروگراموں کے داخلے لیٹ فیس چارجز کے ساتھ 11 اپریل تک جاری ہیں۔ داخلوں کے بارے میں مزید تفصیلات جاننے کے لئے یونیورسٹی کی ویب سائٹ www.aiou.edu.pk پر رابطہ کیا جاسکتا ہے۔ ڈاکٹر شاہد صدیقی نے کہا ہے کہ اوپن یونیورسٹی کو پروفیشنل اپ گریڈیشن اور لرننگ کا ایک معیاری اور ماڈل ادارہ بنانے کا مشن ہے اور اوپن یونیورسٹی ملک کے واحد جامعہ ہوگی جو ہر عمر کے لوگوں کو ان کے رہائش گاہوں کے قریب ترین مقامات پر پیشہ ورانہ مہارت میں اضافے کے لئے مختلف پروفیشل ڈویلپمنٹ کے کورسز شروع کر رہی ہے۔انہوں نے کہا کہ اوپن یونیورسٹی کو بہت جلد پروفیشل ڈویلپمنٹ کے حوالے سے ایک معیاری ادارے کی شناخت حاصل ہوجائے گی۔متعلقہ عنوان :
مزید تعلیم کی خبریں
-
سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
-
اوپن یونیورسٹی کے زیر اہتمام ملک بھر میں امتحانات کل سے شروع ہو نگے
-
ساہیوال بورڈ کے زیر اہتمام سالانہ انٹرمیڈیٹ امتحانات 2024 کا آغاز ہو گیا
-
میٹرک بورڈ، جماعت نہم و دہم کے سالانہ امتحانی فارم جمع کرانے کی آخری تاریخ 23اپریل ہے، چیئرمین بورڈ
-
لاہور سمیت پنجاب بھر میں انٹرمیڈیٹ کے سالانہ امتحانات کا کل سے آغاز ہوگا
-
لاہور : 21 اپریل کو ضمنی انتخابات کے باعث انٹرمیڈیٹ کے 2 پیپرز ملتوی
-
علامہ اقبال اوپن یونیورسٹی نے سمسٹر بہار بی ایس پروگرام میں داخلہ کی تاریخ میں توسیع کر دی
-
وفاقی نظامت تعلیمات نے پانچویں اور آٹھویں جماعتوں کے سنٹرلائزڈ امتحانات کے نتائج کا اعلان کردیا
-
اوپن یونیورسٹی نے داخلوں کی تاریخ میں 25اپریل تک توسیع کردی
-
انٹرمیڈیٹ حصہ دوم (فریش اینڈ فیلیئر)اور حصہ دوم و حصہ اول باہم کے سالانہ امتحانات برائے 2024 ء میں شرکت کے خواہشمند سائنس پری میڈیکل، پری انجینئرنگ، سائنس جنرل اور ہوم اکنامکس گروپس کے سرکاری تعلیمی ..
-
انٹرمیڈیٹ پارٹ ٹو کے سالانہ امتحانات 19 اپریل سے شروع ہونگے
-
ساہیوال بورڈ کے زیر انتظام انٹرمیڈیٹ (پہلا سالانہ) امتحان 2024 جمعہ 19اپریل سے شروع ہو گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.