کاشتکار سبزیات کی گوڈی کرتے ہوئے ضرورت کے مطابق تنوں کے ساتھ مٹی چڑھا دیں ٗمحکمہ زراعت

جڑی بوٹیاں تلف کرنے کیلئے بھی بروقت اقدامات کریں ٗ ترجمان

اتوار 24 اپریل 2016 14:16

راولپنڈی (اُردو پوائنٹ اخبار تازہ ترین۔24اپریل۔2016ء) محکمہ زراعت کے ترجمان نے کہاہے کہ کاشتکار سبزیات کی گوڈی کرتے ہوئے ضرورت کے مطابق تنوں کے ساتھ مٹی چڑھا دیں اور جڑی بوٹیاں تلف کرنے کیلئے بھی بروقت اقدامات کریں تاکہ سبزیات کی اچھی فصل حاصل ہو سکے۔

(جاری ہے)

ترجمان نے بتایا کہ سم گرما کی شدت میں اضافہ کے باعث سبزیات کو معمول سے زائد آبپاشی کی بھی ضرورت ہوتی ہے اس لئے کاشتکار سبزیات کی فصل کو 8 سے 10 روز کے وقفہ سے آبپاشی کرتے رہیں۔

انہوں نے کہاکہ درجہ حرارت بڑھنے سے کیڑے مکوڑوں اور مختلف بیماریوں کا حملہ ہونے کا بھی خدشہ رہتاہے اس لئے کاشتکار سبزیات کی فصلات پر گہری نظر رکھیں اور اگر کسی جگہ کسی پودے پر کسی بیماری یا کیڑے مکوڑے کا حملہ نظر آئے تو فوری طور پر محکمہ زراعت کے فیلڈ سٹاف کی مشاورت سے مناسب زہروں کا سپرے کریں تاکہ بعد میں انہیں کسی مشکل یامالی نقصان کا سامنا نہ کرناپڑے۔