سورج مکھی کم پا نی میں تیار ہونے والی فصل ہے،محکمہ زراعت

اتوار 24 اپریل 2016 17:36

راولپنڈی۔ 24 اپریل (اُردو پوائنٹ اخبار تازہ ترین۔24اپریل۔2016ء) محکمہ زراعت راولپنڈی کے ترجمان نے کہا ہے کہ سورج مکھی کم پا نی میں تیار ہونے والی فصل ہے تاہم کا شتکار اس کی آبپاشی پر پوری طرح توجہ نہیں دیتے جس کی وجہ سے فی ایکڑ پیداوار میں کمی واقع ہوجاتی ہے۔ محکمہ زراعت پنجاب راولپنڈی کے ترجمان کے مطابق سورج مکھی کی فصل کو نازک اوقات پر پا نی لگانا ضروری ہے۔

(جاری ہے)

شروع میں چونکہ دھوپ کم اور موسم ٹھنڈا ہو تا ہے اور پودے بھی چھوٹے ہو تے ہیں لہٰذا پا نی کی کم ضرورت ہوتی ہے۔ ترجمان کے مطابق فصل کو پہلا پا نی بیج پھوٹنے کے 25 تا 30 دن بعد جبکہ دوسرا پا نی پودوں کی بڑھوتری اور موسم میں تبدیلی کی وجہ سے پہلے پا نی کے 15 سے 20 دن کے بعد لگائیں تاکہ ضیائی تالیف کا عمل بہتر انداز میں انجام پاسکے۔جب فصل پر پھولوں کی ڈوڈیاں بننا شروع ہو جائیں تو تیسرا پانی لگا کر نائٹروجن کھاد کی آخری قسط ڈال دیں۔

Facebook Twitter Google + Share on Whatsapp

سورج مکھی کم پا نی میں تیار ہونے والی فصل ہے،محکمہ زراعت

متعلقہ عنوان :

مزید تجارتی خبریں