بھارت میں پٹرول ، ڈیزل ،ایل پی جی اور طیاروں کے ایندھن کی قیمتوں میں اضافہ

نئی دہلی(اُردو پوائنٹ اخبارتازہ ترین - آئی این پی۔01 مئی۔2016ء ) بھارت میں پٹرول ، ڈیزل ،ایل پی جی اور طیاروں کے ایندھن کی قیمتوں میں اضافہ کردیا گیا ۔بھارتی میڈیا کے مطابق بین الاقوامیمنڈی میں خام تیل کی قیمتوں میں گزشتہ ایک دہائی کے دوران تیزی سے اضافے کے پیش نظر تیل کمپنیوں نے پٹرول کی قیمت 1.06روپے فی لیٹر اور ڈیزل کی قیمت 2.94روپے فی لیٹر بڑھا دی ہے۔

(جاری ہے)

بھار ت میں تیل اور گیس مارکیٹنگ کمپنیوں نے بغیر سبسڈی والے گھریلو سوئی گیس سلنڈر کی قیمت 18 روپے اور ہوائی جہاز کے ایندھن کی قیمت 627 روپے فی لیٹرمیں اضافہ کر دیا ہے۔ملک کی سب سے بڑی تیل مارکیٹنگ کمپنی انڈین آئل کارپوریشن لمیٹڈ (آئی او سی ایل) کے مطابق، یکم مئی سے دہلی میں بغیر سبسڈی والا 14.2 کلو گرام کا گھریلو گیس سلنڈر 509.50 روپے کی جگہ 527.50 روپے کا ملے گا۔اس سے پہلیگھریلو گیس قیمتوں میں مسلسل تین بار تخفیف کی گئی تھی۔واضح رہے کہ پاکستان میں حکومت نے مئی کیلئے پٹرولیم مصنوعات کی قیمتیں برقرار رکھنے کا اعلان کیا تھا۔وزیراعظم نوازشریف نے پٹرولیم منصوعات کی قیمتوں کی اضافے کی سمری مسترد کردی تھی۔