28مئی پاکستان کی تاریخ میں یومِ آزادی کی طرح ایک اہم سنگِ میل کے طور پر ہمیشہ یاد رکھا جا ئے گا،وزیراعظم
ملک کوبیرونی خطرات سے بچانے کیلئے اپنی تیاری پوری رکھیں ، ایٹمی پروگرام پاکستان کے مضبوط دفاع کی علامت ہے،بے مثال قربانیوں کی بدولت دہشت گردوں کی کمر توڑ دی گئی، ملک کا امن بحال ہو رہا ہے،پاکستان کو اب اپنی اقتصادی صلاحیت کو بہتر بنانا ہے،اقتصادی راہداری منصوبہ پورے پاکستان کی تقدیر بدل دیگا، ملک کو اقتصادی لحاظ سے مضبوط بنانے میں کامیاب ہوں گے،’’یوم تکبیر‘‘ کے موقع پرمحمد نواز شریف کاپیغام
جمعہ 27 مئی 2016 23:08
اسلام آباد(اُردو پوائنٹ اخبارتازہ ترین - این این آئی۔27 مئی۔2016ء) وزیراعظم میاں محمدنوازشریف نے کہاہے کہ 28مئی پاکستان کی تاریخ میں یومِ آزادی کی طرح ایک اہم سنگِ میل کے طور پر ہمیشہ یاد رکھا جا ئے گا، ملک کوبیرونی خطرات سے بچانے کیلئے اپنی تیاری پوری رکھیں ، ایٹمی پروگرام پاکستان کے مضبوط دفاع کی علامت ہے،بے مثال قربانیوں کی بدولت دہشت گردوں کی کمر توڑ دی گئی، ملک کا امن بحال ہو رہا ہے،پاکستان کو اب اپنی اقتصادی صلاحیت کو بہتر بنانا ہے،اقتصادی راہداری منصوبہ پورے پاکستان کی تقدیر بدل دیگا، ملک کو اقتصادی لحاظ سے مضبوط بنانے میں کامیاب ہوں گے۔
’’یوم تکبیر‘‘ کے موقع پر وزیراعظم اسلامی جمہوریہ پاکستان محمد نواز شریف نے اپنے پیغام میں کہاکہ ’یومِ تکبیرِ ‘ کے تاریخ ساز موقع پر میں پوری قوم کو مبارک باد پیش کرتا ہوں،یہ دن پاکستان کی تاریخ میں یومِ آزادی کی طرح ایک اہم سنگِ میل کے طور پر ہمیشہ یاد رکھا جا ئے گا۔(جاری ہے)
یہ وہ دن ہے جب پاکستان دنیا کے نقشے پر پہلی مسلم ایٹمی قوت کے طور پر نمودار ہوا۔
جس طرح پاکستان کے قیام کا اعزاز مسلم لیگ کو حاصل ہے، اسی طرح اس کے دفاع کو ناقابلِ تسخیر بنانے کی سعادت بھی مسلم لیگ کے حصے میں آئی۔یہ ہماری قومی ذمہ داری ہے کہ ہم ملک کوبیرونی خطرات سے بچانے کے لیے اپنی تیاری پوری رکھیں تاکہ کوئی پاکستان کی طرف میلی آنکھ سے دیکھنے کی جرات نہ کر سکے۔پاکستان کاایٹمی پروگرام دفاع وطن کو ناقابل تسخیر بنانے کے لیے وجود میں آ یا ہے۔یہ جنوبی ایشیا میں امن کی ضمانت ہے۔اس پروگرام سے طاقت کا توازن پیدا ہوا جوخطے کو محفوظ بنانے کے لیے ضروری تھا۔جنوبی ایشا کے ممالک جس عدم تحفظ میں مبتلا تھے، اب اس سے نکل آئے ہیں۔یہ پاکستان کے ایٹمی پروگرام کی برکت ہے۔وزیراعظم میاں محمدنوازشریف نے کہاکہ پاکستان امن پر یقین رکھتا ہے پاکستان کا ایٹمی پروگرام جہاں پاکستان کے مضبوط دفاع کی علامت ہے ،وہاں اس قوم کی غیر معمولی جرات، استقامت اور بہادری کا بھی اعلان ہے۔اس سے پاکستانی قوم کی اس صلاحیت کا اظہار ہوتا ہے کہ وہ مشکل حالات کا سامنا کر نے کی بھرپور صلاحیت رکھتی ہے۔آپریشن ضرب عضب بھی دراصل اسی عزم کا تسلسل ہے جس عزم کی بدولت ہم نے مادر وطن کا دفاع ناقابل تسخیر بنایا-انہوں نے کہاکہ ہماری عسکری قوت میں اضافہ جہاں خارجی خطرات کے مقابلے میں ایک ڈھال ہے وہاں داخلی سطح پر جو لوگ پاکستان کو غیر مستحکم کرنا چاہتے ہیں ان کا بھی موثر توڑ ہے- اس کا مظاہرہ ہم نے آپریشن ضرب عضب میں دیکھا جب سیاسی قیادت کی یکسوئی، غیر متزلزل قومی عزم، پاک فوج اور دیگر سیکیورٹی اداروں کی مہارت اور بے مثال قربانیوں کی بدولت دہشت گردوں کی کمر توڑ دی گئی اﷲ تعالٰی کا شکر ہے کہ ملک کا امن بحال ہو رہا ہے۔وزیراعظم نے کہاکہ پاکستان کو اب اپنی اقتصادی صلاحیت کو بہتر بنانا ہے۔ مجھے امید ہے کہ اس میدان میں یہ قوم اسی صلاحیت کا مظاہرہ کرے گی جس کا مظاہرہ اس نے دفاعی میدان میں کیا ہے۔حکومت اس ضمن میں پر عزم ہے اور پوری نیک نیتی کے ساتھ پاکستان کو معاشی طاقت بنانے کے لیے کوشاں ہے۔ ’’چائنا پاکستان اقتصادی راہداری ‘‘ کے تحت مختلف منصوبے شروع ہوچکے ہیں۔ یہ منصوبے پورے پاکستان کی تقدیر بدل دیں گے۔ انشاء اﷲ عوام کا معیارِ زندگی مزید بہتر ہوگا اور ہم پاکستان کا دفاع ناقابل تسخیر بنانے کے بعد اپنے ملک کو اقتصادی لحاظ سے بھی مضبوط بنانے میں کامیاب ہوں گے۔متعلقہ عنوان :
مزید اہم خبریں
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے، اس صنعت میں تعاون سے ملک کو عالمی معیشت سے جوڑا جا سکتا ہے، وفاقی وزیر اطلاعات عطاءاللہ تارڑ کا سیمی کنڈکٹر سمٹ 2024ءسے خطاب
-
آئی ایم ایف مذاکرات کے دوران روپے کی قدر میں کمی کا امکان نہیں، وزیر خزانہ
-
نومئی کے حملہ آور آج ملکی مفاد پر حملہ آور ہیں، عطاءاللہ تارڑ
-
پنجاب اسمبلی کے ملازم کی مبینہ خودکشی کی کوشش،اسمبلی کی عمارت سے چھلانگ لگا دی
-
’اسلام آباد کا کوئی پرسانِ حال نہیں‘ چیف جسٹس عامر فاروق کا اظہار برہمی
-
لاہور ہائیکورٹ نے جلسوں کی اجازت کیلئے تحریک انصاف کی درخواست ڈپٹی کمشنر لاہور کو بھجوا دی
-
ملک بھر میں زائد المیعاد شناختی کارڈز پر جاری موبائل سمز بند کرنے کا حکم
-
اس وقت عہدوں میں نہیں الجھنا چاہیے، میری گورنر شپ کا سفر سب کے سامنے ہے،گورنر سندھ
-
سرکاری ملازمین کے دفتری اوقات کار کا نیا شیڈول جاری
-
بلاول بھٹو زرداری نے پارٹی رہنماءاخونزادہ چٹان پر حملہ کرنے والوں کی گرفتاری کا مطالبہ کردیا
-
’سیاست کا مقابلہ صرف سیاست سے ہوگا، جگ ہنسائی سے بچا جائے‘
-
پنجاب حکومت کا خصوصی افراد کیلئے ”ہمت کارڈ“ اور”نگہبان کارڈ“جاری کرنے کافیصلہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.