پاکستان کراچی اور بلوچستان میں امن خراب کرنے کی بھارتی کوششوں سے آگاہ ہے
بھارتی سازشوں کے معاملے پر پاکستان میں تعینات تمام ممالک کے سفیروں کو اعتماد میں لیا جارہا ہے:ترجمان دفترخارجہ
میاں محمد ندیم جمعرات 2 جون 2016 16:53
اسلام آباد(اردو پوائنٹ اخبارتازہ ترین-انٹرنیشنل پریس ایجنسی۔02جون۔2016ء) ترجمان دفتر خارجہ نے کہا ہے کہ راءکے ایجنٹ کلبھوشن یادیو کے بعد انکشافات کے بعد مزید گرفتاریاں ہوئی ہیں۔ پاکستان کراچی اور بلوچستان میں امن خراب کرنے کی بھارتی کوششوں سے آگاہ ہے۔ پاکستان کراچی اور بلوچستان میں امن خراب کرنے کی بھارتی سازشوں سے آگاہ ہے۔ افغانستان میں امن کے لیے تمام افغان طالبان گروہوں کا مذاکرات میں شامل ہونا ضروری ہے۔
الزام تراشی کے بجائے بھارت کو مثبت انداز میں مذاکرات کی میز پر آنا چاہیئے۔ اسلام آباد میں دفتر خارجہ کی ہفتہ وار پریس بریفنگ کے دوران ترجمان دفتر خارجہ نفیس زکریا نے کہا کہ پاکستان ڈرون حملوں کے خلاف ہمیشہ آواز اٹھاتا رہا ہے اور اس پر پاکستان کی پوزیشن اس کے اصولوں پر مبنی ہے۔(جاری ہے)
بلوچستان کے ضلع نوشکی میں 21 مئی کی رات کو امریکی ڈرون حملے کا مقدمہ اس میں مارے جانے والے ٹیکسی ڈرائیور محمد اعظم کے بھائی محمد قاسم کی مدعیت میں امریکی حکام کے خلاف درج کیا گیا تھا۔
لندن میں زیر علاج وزیر اعظم نواز شریف کے حوالے سے نفیس زکریا کا کہنا تھا کہ وہ مکمل صحت یاب ہونے کے وطن واپس لوٹ آئیں گے۔پاکستان میں تخریبی سرگرمیوں میں ہندوستان کے ملوث ہونے اور اس کے جاسوس کلبھوشن یادیو کے حوالے سے ایک سوال کے جواب میں انہوں نے کہا کہ وزارت خارجہ نے اس معاملے پر پاکستان میں تعینات تمام ممالک کے سفیروں کو اعتماد میں لیا جارہا ہے۔انہوں نے دہشت گردی کی شدید مذمت کرتے ہوئے کہا کہ پاکستان خود دہشت گردی کا شکار رہا ہے اور دہشت گردی کے خلاف جنگ میں 60 ہزار سے زائد شہری اپنی جان کی قربانی دے چکے ہیں، جبکہ سیکیورٹی فورسز دہشت گردوں کے خلاف سخت کارروائی کر رہی ہے۔افغانستان کے ساتھ بارڈر مینجمنٹ کے حوالے سے تبصرہ کرتے ہوئے نفیس زکریا کا کہنا تھا کہ پاکستان کو اس پر کابل کی جانب سے کوئی ردعمل نہیں ملا، جبکہ اس سلسلے میں افغانستان کا تعاون انتہائی ضروری ہے۔افغان مہاجرین کے پاکستان میں قیام کے حوالے سے انہوں نے کہا کہ پاکستان میں قانونی طور پر مقیم مہاجرین کے قیام کی مدت رواں سال 30 جون کو ختم ہورہی ہے، اور معاہدے کی تجدید کے لیے افغان حکومت نے پاکستان سے رابطہ کیا ہے۔ چند روز قبل افغان حکومت نے پاکستان سے، 15 لاکھ رجسٹرڈ افغان مہاجرین کی مدت قیام میں 2020 تک قانونی طور پر توسیع کی باضابطہ درخواست کی تھی۔پاکستان کی نیوکلیئر سپلائرز گروپ کی رکنیت کے حوالے سے انہوں نے کہا کہ رکنیت کی درخواست بہتر ایٹمی و تکنیکی انتظامات پر مبنی ہے۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.