پاکستان نیوی گوادر بندرگاہ اور اس سے ملحقہ پانیوں کی سیکیورٹی کویقینی بنانے کے لئے پوری طرح تیار ہے ،اس کے لئے ہرضروری تعمیری صلاحیت و قوت کو حکومت پاکستان کی مدد سے بڑھایا جا رہا ہے
پاک بحریہ کے سربراہ ایڈمرل ذکاء اﷲ کا 45 ویں پاکستان نیوی اسٹاف کورس کے شرکاء سے خطاب
پیر 6 جون 2016 22:43
لاہور (اُردو پوائنٹ اخبارتازہ ترین - آئی این پی۔06 جون۔2016ء) چیف آف دی نیول اسٹاف ایڈمرل محمد ذکاء اﷲ نے کہاہے کہ پاکستان نیوی گوادر بندرگاہ اور اس سے ملحقہ پانیوں کی سیکیورٹی کویقینی بنانے کے لئے پوری طرح تیار ہے ،اس کے لئے ہرضروری تعمیری صلاحیت و قوت کو حکومت پاکستان کی مدد سے بڑھایا جا رہا ہے۔ وہ پیر کو پاکستان نیوی وار کالج لاہور کے دورہ کے موقع اور 45 ویں پاکستان نیوی اسٹاف کورس کے شرکاء سے خطاب کررہے تھے۔
ان کی گفتگو کا محور موجودہ جغرافیائی اسٹریٹجک ماحول اور پاک چین اقتصادی راہداری اور گوادر پورٹ کے تناظر میں بڑھنے والی پاک بحریہ کی ذمہ داریاں تھیں۔نیول چیف نے کہا کہ عالمی ماحول مسلسل تغیر کا شکار ہے جس کے باعث طاقت کے مختلف مراکز ابھر کر سامنے آ رہے ہیں۔(جاری ہے)
ان کا کہنا تھا کہ ہماری قومی ترقی اور سیکیورٹی درحقیقت میری ٹائم سیکٹر کی ترقی سے جڑی ہے اور پاکستان کے تحفظ کی ضمانت ایک مضبوط بحریہ سے ہی ممکن ہے۔
ایڈمرل محمد ذکاء اﷲ نے کہا کہ پاکستان نیوی گوادر بندرگاہ اور اس سے ملحقہ پانیوں کی سیکیورٹی کویقینی بنانے کے لئے پوری طرح تیار ہے اوراس کے لئے ہرضروری تعمیری صلاحیت و قوت کو حکومت پاکستان کی مدد سے بڑھایا جا رہا ہے۔نیول چیف نے مزید کہا جہاں ہم بحیثیت قوم بحر سے متعلق لاعلمی کا شکار رہے ہیں وہاں آج پاکستان کے سمندی وسائل کا بہتر ادراک رکھتے ہیں اور جس میں گزرتے وقت کے ساتھ ساتھ اضافہ ہو رہا ہے۔انہوں نے کہا کہ پاکستان نیوی ایک با صلاحیت فورس ہے اور ہتھیاروں کی دوڑ میں شامل ہوئے بغیر چیلنجز پر قابو پانے کے لئے پُر عزم ہے۔انہوں نے کہا کہ پاک چین اقتصادی راہداری اور گوادر پورٹ،جو پاکستانی پانیوں میں میری ٹائم امور میں اضافے کا سبب بنیں گے، کے لئے حکومتی کاوشوں کو بھی سراہا۔ملک کی داخلی سیکیورٹی صورتحال پر بات کرتے ہوئے انہوں نے کہا کہ جو اندرونی سیکیورٹی خطرات ہمیں در پیش ہیں وہ انتہائی اہمیت کے حامل ہیں اور معاشرے کے ہر شعبے کو متاثر کر رہے ہیں۔پاکستان نیوی اس چیلنج سے بخوبی آگاہ ہے اور اس سے نمٹنے کے لئے ہر ممکن کوشش کو اپنی اولین ترجیح سمجھتی ہے ۔سربراہ پاک بحریہ نے کورس کے شرکاء کو کورس کی کامیاب تکمیل پر مبارک باد پیش کی اورامید ظاہر کی کہ وہ مستقبل میں بھی اسی کامیابی سے سفر جاری رکھیں گے۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.