موسمی شدت اور فصل کی ضرورت کے مطابق کماد کو سیراب کرکے گنے کی پیداوار میں اضافہ ممکن ہے ، محکمہ زراعت

بدھ 8 جون 2016 15:03

فیصل آباد۔8 جون(اُردو پوائنٹ اخبارتازہ ترین - اے پی پی۔08 جون۔2016ء)محکمہ زراعت نے کماد کے کاشتکاروں پر زور دیا ہے کہ وہ کماد کی فصل کو پانی کی کمی نہ آنے دیں کیونکہ ماہ جون و جولائی کے دوران موسمی شدت کے پیش نظر پانی کی کمی کی وجہ سے کماد کی فصل بہت متاثر ہوتی ہے۔محکمہ زراعت فیصل آبادکے ترجمان نے بتایا کہ کماد کی فصل کو سال میں اوسطاً 16 مرتبہ پانی کی ضرورت ہوتی ہے ۔

(جاری ہے)

انہوں نے بتایا کہ اگر موسمی شدت اور فصل کی ضرورت کے مطابق کماد کی فصل کو سیراب کیا جائے تو گنے کی فی ایکڑپیداوار میں خاطر خواہ اضافہ ہوتا ہے۔ انہوں نے بتایا کہ جون و جولائی کے علاوہ مارچ اپریل میں تین ہفتے ، مئی تااگست تک ڈیڑھ سے دو ہفتے ، ستمبرسے اکتوبر تک فی ہفتہ اور نومبر سے فروری تک 6 سے 7 ہفتے تک پانی دینا نہایت ضروری ہے۔ انہوں نے بتایا کہ کھاد ڈالنے کے بعد آبپاشی کی اشد ضرورت ہوتی ہے تاکہ اس کے بہترین فوائد اور مطلوبہ مقاصد حاصل کئے جاسکیں۔ انہوں نے کہا کہ برسات کے موسم میں پانی کے تناسب کا خاص خیال رکھنا چاہئے کیونکہ ان ایام میں زیادہ پانی دینے سے گنے کو کیڑا لگنے کا بھی خدشہ رہتا ہے۔

Facebook Twitter Google + Share on Whatsapp

موسمی شدت اور فصل کی ضرورت کے مطابق کماد کو سیراب کرکے گنے کی پیداوار میں اضافہ ممکن ہے ، محکمہ زراعت

مزید تجارتی خبریں