پاکستان تاجکستان کے ساتھ پائیدار تعلقات کے فروغ کیلئے پرعزم ہے، پاکستان انجینئرنگ مصنوعات، سرجیکل آلات سمیت دیگر اشیاء تاجکستان کو برآمد کرنے کا خواہاں ہے
وفاقی وزیر پانی و بجلی خواجہ محمد آصف کا پاکستان تاجکستان تعاون کانفرنس سے خطاب کمرشل، اقتصادی، تجارتی، زرعی، تعلیمی، ثقافتی، صحت، سرمایہ کاری، بینکنگ، توانائی، تیل و گیس کے شعبہ میں علاقائی اور بین الاقوامی سطح پر تعلقات کو فروغ دینا آزاد تاجکستان کی پالیسی کا حصہ ہے، وزیر توانائی تاجکستان عثمان علی عثمان زادہ
بدھ 15 جون 2016 18:21
اسلام آباد ۔ 15 جون(اُردو پوائنٹ اخبارتازہ ترین - اے پی پی۔15 جون ۔2016ء) وفاقی وزیر پانی و بجلی خواجہ محمد آصف نے کہا ہے کہ پاکستان تاجکستان کے ساتھ پائیدار تعلقات کے فروغ کیلئے پرعزم ہے، پاکستان انجینئرنگ مصنوعات، سرجیکل آلات سمیت دیگر اشیاء تاجکستان کو برآمد کرنے کا خواہاں ہے۔ ان خیالات کا اظہار انہوں نے پانچویں دو روزہ جوائنٹ کمیشن (جے سی) تجارتی و تکنیکی اور اقتصادی پاکستان تاجکستان تعاون کانفرنس سے خطاب کرتے ہوئے کیا۔
اس موقع پر تاجکستان کے وزیر برائے پانی و توانائی عثمان علی عثمان زادہ، وزارت پانی و بجلی کے اعلیٰ حکام، اقتصادی امور ڈویژن کے نمائندوں سمیت دیگر شخصیات نے شرکت کی۔ وفاقی وزیر نے کہا کہ تاجکستان پاکستان سے بہت سی مصنوعات درآمد کر کے فوائد حاصل کر سکتا ہے۔(جاری ہے)
انہوں نے کہا کہ پاکستان اپنے برادر اور قریبی دوست ملک تاجکستان کے ساتھ تعلقات کو بہت اہمیت کی نگاہ سے دیکھتا ہے۔
انہوں نے کہا کہ دونوں ممالک کے مابین جوائنٹ کمیشن کانفرنس سے تعلقات مزید مستحکم ہوں گے اور تجارتی اور اقتصادی تعلقات کو بھی فروغ حاصل ہو گا۔ انہوں نے کہا کہ دونوں ممالک کے مختلف شعبوں کے ماہرین کا ایک جگہ اکٹھا ہونا بھی خوش آئند اقدام ہے جس سے نہ صرف تجارتی تعلقات میں وسعت آئے گی بلکہ دونوں ممالک کے شہریوں کو ایک دوسرے کے قریب آنے کا موقع ملے گا۔ انہوں نے کہا کہ پاکستان پہلا ملک تھا جس نے1991ء میں سوویت یونین سے علیحدگی کے بعد تاجکستان کی آزاد حیثیت کو تسلیم کیا۔ انہوں نے کہا کہ دونوں ممالک 1992ء کے بعد بہترین سفارتی تعلقات سے لطف اندوز ہو رہے ہیں۔ انہوں نے کہا کہ دونوں ممالک کے مابین کاسا 1000 منصوبہ بھی ایک سنگ میل کی حیثیت رکھتا ہے اور وزیراعظم آفس ذاتی طور پر اس منصوبہ کی نگرانی کر رہا ہے۔ انہوں نے مزید کہا کہ تاجکستان سے 1000 میگاواٹ بجلی درآمد کرنے پر بھی مذاکرات جاری ہیں۔ انہوں نے کہا کہ دونوں ممالک کے سربراہان کی دوشنبہ میں ہونے والی ملاقات میں تجارت، توانائی، زراعت اور رابطہ کاری میں تعاون کو فروغ دینے کے عزم کا اظہار کیا گیا تھا۔ اس موقع پر تاجکستان کے وزیر توانائی عثمان علی عثمان زادہ نے کہا کہ ان کا ملک پاکستان کے ساتھ باہمی تعلقات کو بہت اہمیت دیتا ہے۔ انہوں نے کہا کہ کمرشل، اقتصادی، تجارتی، زرعی، تعلیمی، ثقافتی، صحت، سرمایہ کاری، بینکنگ، توانائی، تیل و گیس کے شعبہ سمیت دیگر شعبوں میں علاقائی اور بین الاقوامی سطح پر تعلقات کو فروغ دینا آزاد تاجکستان کی پالیسی کا حصہ ہے۔ انہوں نے کہا کہ کاسا 1000 پراجیکٹ سے نہ صرف پاکستان میں توانائی کی ضروریات پوری ہوں گی بلکہ دونوں ممالک کے باہمی تعلقات میں مزید وسعت آئے گی۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.