علامہ طاہرالقادری غیرملکی ایجنڈے پرپاکستان لوٹے ہیں‘ان کی پاکستان آمد کا مقصد امریکہ بھارت اورافغانستان کے اتحادکوتقویت پہنچاناہے تاکہ موجودہ صورت حال میں پاکستان کیلئے مزید مسائل پیداکئے جاسکیں‘ وہ’’ ڈالر پھینک تماشا دیکھ‘‘کی پالیسی لے کرآئے ہیں
پاکستان مسلم لیگ(ن) سندھ کے نائب صدر علی اکبر گجر کا بیان
جمعرات 16 جون 2016 19:50
کراچی(اُردو پوائنٹ اخبارتازہ ترین - آئی این پی۔16 جون ۔2016ء) پاکستان مسلم لیگ(ن) سندھ کے نائب صدر علی اکبر گجر نے اپنے ایک بیان میں کہاہے کہ علامہ طاہرالقادری غیرملکی ایجنڈے پرپاکستان لوٹے ہیں،ان کی پاکستان آمد کا مقصد امریکہ بھارت اورافغانستان کے اتحادکوتقویت پہنچاناہے تاکہ موجودہ صورت حال میں پاکستان کے لئے مزید مسائل پیداکئے جاسکیں۔
وہ’’ ڈالر پھینک تماشا دیکھ‘‘کی پالیسی لے کرآئے ہیں اوراس بارانہوں نے اسلام آبادکی بجائے لاہورکارخ کیا ہے جہاں وہ ماڈل ٹا?ن واقعہ میں شہیدہونے والوں کی آڑ میں احتجاج کرکے پنجاب کاامن تباہ اور صوبے کی غیرمعمولی ترقی روکنا چاہتے ہیں۔ جن شہدا کی یاد میں وہ فکرمندہورہے ہیں وہ انہیں پچھلے دو سال کیوں یاد نہیں آئے۔(جاری ہے)
لگتا ہے وہ لاشوں کا سودا کرنے آئے ہیں ، عوام لاشوں کے سوداگروں کو کوئی نیا کھیل تماشا کرنے کی اجازت نہیں دیں گے۔
انہوں نے کہا کہ ڈاکٹرطاہرالقادری کینیڈین شہریت رکھتے ہیں،کسی غیرملکی کو حق حاصل نہیں کہ وہ پاکستان کی شہریت ترک کرنے کے بعد پاکستان میں دوبارہ آکر امن وامان کی صورت حال پیدا کرے اور عوام کو سڑکوں پرلانے کی سازشیں کرے۔ایسے جغادری ملا?ں کے خلاف سخت ترین کاروائی ہونی چاہئے۔ ڈاکٹر طاہرالقادری جیسے لوگ دہری شہریت کی طرح دوغلے پن کا شکار ہیں ،یہ نہ ملک اور عوام کے خیرخواہ ہیں اور نہ اسلام ان کا مسئلہ ہے ،یہ صرف عوام کو بے وقوف بنا کراپنا الوسیدھا کرناجانتے ہیں۔مسلم لیگ(ن) کے کارکن ایسے فصلی بٹیروں کو قومی امنگوں سے کھیلنے کی اجازت نہیں دیں گے۔علی اکبرگجرنے کہا کہ دوسال پہلے تحریک انصاف اور عوامی تحریک نے اسلام آباد میں دھرنا دیا جس سے قومی معیشت کو اربوں روپے کانقصان پہنچا اور اب پھر غیرملکی اشاروں پرملکی معیشت کو بربادکرنے کے لئے احتجاج اور دھرنے کی سیاست شروع کی جارہی ہے جو پارلیمانی نظام پرشب خون مارنے کے مترادف ہے،دو سال پہلے بھی ملک میں دھرنا سیاست ناکام ہوئی اب بھی یہ تماشاانشااﷲ کامیابی سے ہمکنارنہیں ہوگا،عوام سب ایجنٹوں کے چہروں سے بخوبی واقف ہیں وہ ان غیرملکی ایجنٹوں کو اپنے اتحاد کی طاقت سے مار بھٹائیں گے۔مزید قومی خبریں
-
ہفتہ وار مہنگائی میں معمولی کمی، 4 اشیائے ضروریہ مہنگی، 18 سستی ہوئیں
-
لاہورہائیکورٹ،عون چودھری کی این اے 128 سے کامیابی کیخلاف درخواست سماعت کیلئے مقرر کرنے کا حکم
-
خواجہ سلمان رفیق کا گنگارام ہسپتال کا دورہ، مدر اینڈ چائلڈ بلاک میں جاری ری ویمپنگ منصوبے کا جائزہ لیا
-
پتنگ بازی کی روک تھام کے لئے ڈرون کیمروں کی مدد سے مانیٹرنگ شروع
-
لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
-
پنجاب میں پاکستان کی تاریخ کا سب سے بڑا’’محمد نواز شریف کسان کارڈ‘‘ ،وزیراعلیٰ مریم نوازشریف نے منظوری دیدی
-
پی آئی اے کی فضائی میزبان ٹورنٹو ائیرپورٹ پرزیرحراست
-
ریاست کی رٹ چیلنج کرنے والے سے آہنی ہاتھوں سے نمٹیں گے، وزیراعلیٰ بلوچستان
-
صنم جاوید اور عالیہ حمزہ ایک اور مقدمے میں گرفتار
-
سینیٹ انتخابات میں زلفی بخاری کے کاغذات مسترد کرنے کے خلاف اپیل پر فریقین سے جواب طلب
-
بلاول بھٹو زرداری کا بہاولپور کے پارٹی رہنما ارشاد احمد سرویا کے انتقال پراظہار تعزیت
-
ہر ترقیاتی منصوبے میں شفافیت کو سو فیصد یقینی بنایا جائے‘خواجہ سلمان رفیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.