باجرہ کی کاشت کا موزوں وقت شروع جولائی تا وسط جولائی ہے ، محکمہ زراعت

ہفتہ 18 جون 2016 16:11

راولپنڈی۔18 جون (اُردو پوائنٹ اخبارتازہ ترین - اے پی پی۔18 جون ۔2016ء) محکمہ زراعت پنجاب راولپنڈی کے ترجمان نے کہا ہے کہ بارانی علاقوں میں باجرہ کی کاشت کا موزوں وقت شروع جولائی سے لے کر وسط جولائی تک ہے ،باجرہ کی فصل سوائے کلراٹھی اور سیم زدہ زمینوں کے ہر قسم کی زمین پر کاشت کیا جا سکتا ہے البتہ اچھے نکاس والی ہلکی میرا زمین اس کی کاشت کیلئے نہایت موزوں ہے۔

(جاری ہے)

یہاں جاری بیان میں ترجمان نے کہاکہ اگر پچھلی فصل پرمٹی پلٹنے والا ہل نہ چلایا گیا ہو تو ایک دفعہ مٹی پلٹنے والا ہل اور دو دفعہ کلٹیویٹر بمعہ چلا کر زمین کو نرم اور بھربھرا کر لیا جائے۔ بوائی سے پہلے دو بوری نائٹروفاس کھاد زمین کی تیاری کے وقت ڈالی جائے۔ باجرہ کی ترقی دادہ اقسام ایم بی 87-، بی وائی 18- اور سرگودھا باجرہ 2011 کاشت کریں۔ یہ اقسام اناج اور غلے کیلئے یکساں مفید ہیں۔ چارہ کی فصل کیلئے شرح بیج4 سے 6 کلوگرام فی ایکڑ اور اناج کی فصل کیلئے 2 سے 3 کلوگرام فی ایکڑ استعمال کریں۔

Facebook Twitter Google + Share on Whatsapp

باجرہ کی کاشت کا موزوں وقت شروع جولائی تا وسط جولائی ہے ، محکمہ زراعت

مزید تجارتی خبریں