فیس بک پر قتل کی ویڈیو لائیو چلی گئی، شکاگو کے ایک شخص کو گولی مار کر ہلاک کر دیا گیا
اتوار 19 جون 2016 18:50
شگاگو(اُردو پوائنٹ اخبارتازہ ترین - آئی این پی۔19جون۔2016ء) سماجی رابطے کی ویب سائٹ ” فیس بک “پر براہ راست سٹریمنگ کے دوران شکاگو کے ایک شخص کو گولی مار کر ہلاک کر دیا گیا۔غیر ملکی میڈیاکے مطابق پولیس کا کہنا ہے کہ 28 سالہ اینٹونیو پرکنس کو سر اور گردن میں شہر کے مغربی علاقے میں گولی ماری گئی۔یہ ویڈیو ابھی بھی فیس بک پر موجود ہے اور اسے ابھی تک سات لاکھ سے زیادہ بار دیکھا جا چکا ہے۔
شکاگو میں تین ماہ میں یہ دوسری بار ہے جب کسی شوٹنگ کو فیس بک پر براہ راست نشر کیاگیا ہے۔مارچ کے مہینے میں ایک نامعلوم شخص کو لاؤ سٹریمنگ کے دوران 16 بار گولی ماری گئی۔ابھی تک دونوں معاملوں میں کوئی گرفتاری عمل میں نہیں آ سکی ہے۔فیس بک لائیو سٹریمنگ میں کسی کو بھی کوئی چیز بروقت نشر کرنے کی سہولت فراہم ہے۔(جاری ہے)
اسے سنہ 2010 میں لانچ کیا گیا تھا لیکن اب یہ سوشل نٹورکنگ حکمت عملی میں مرکزی اہمیت کا حامل ہو گیا ہے۔
مسٹر پرکنس کے ویڈیو میں انھیں اور لوگوں کے ایک گروپ کو گفتگو کرتے ہوئے دیکھا جا سکتا ہے جس میں گولی چلنے کی آواز آتی ہے۔ اس کے بعد فون ہلتا ہوا معلوم ہوتا ہے اور خون آلود گھاس نظر آتی ہے اور پھر سکرین تاریک ہو جاتی ہے۔پاس بیٹھے لوگوں کی چیخنے اور رونے کی آوازیں سنائی دیتی ہیں۔یہ ویڈیو فیس بک پر موجود ہے تاہم تادیبی پیغام کے ساتھ۔فیس بک کی ایک ترجمان نے کہا کہ ویڈیو میں کمپنی کے ضابطے کی خلاف ورزی نہیں ہے۔انھوں نے کہا کہ سوشل میڈیا اس وقت کسی ویڈیو کو ہٹائے گی جب وہ کسی تشدد کا جشن منائے یا اس کی قصیدہ خوانی کرے۔رواں ماہ کے اوائل میں فرانسیسی پولیس کمانڈر کے قاتل اور کمانڈر کے ساتھی نے قتل کے فورا بعد فیس بک لائیو پر نشر کیا اور فالو کرنے والوں کو جیل کے اہلکاروں، پولیس اہلکاروں، صحافیوں اور رکن پارلیمان کو ہلاک کرنے کے لیے اکسایا۔امریکی شہروں میں شکاگو کا مسلح جرائم میں نام کافی اوپر آتا ہے۔ پولیس کا کہنا ہے کہ گذشتہ سال تقریبا 500 قتل ہوئے تھے اور رواں سال مسلح تشدد میں اضافہ ہوا ہے۔مزید بین الاقوامی خبریں
-
ٹرمپ پر2016 کے صدارتی الیکشن میں فراڈ کا الزام
-
مالدیپ انتخابات، چین کی حامی جماعت کی بھاری اکثریت سے جیت
-
مودی پر الیکشن مہم کے دوران مسلمانوں کو ٹارگٹ کرنے کا الزام
-
مسجد اقصی میں یہودیوں کی قربانی کی رسم کی ادائیگی
-
اروند کیجریوال کو جیل میں انسولین دے دی گئی
-
دنیا کے بہترین شوہر نے تحفے میں بیوی کو آدھی حکمرانی دیدی
-
سعودی عرب میں وطن دشمنی اورانتہا پسندی ثابت ہونے پر سعودی شہری کا سرقلم
-
سرکاری نوکری نہ ملنے پر بھارتی شہری گدھی کے دودھ سے لاکھوں کمانے لگا
-
غزہ میں انسانی حقوق کی خلاف ورزیوں کا جائزہ لے رہے ہیں، امریکا
-
میلان میں رات 12 بجے کے بعد آئس کریم پر پابندی کا فیصلہ
-
ایران سے تجارت کے خواہشمند پابندیوں سے خبردار رہیں، امریکا
-
سیاسی پناہ گزینوں کو جلد روانڈا منتقل کیا جائے گا، برطانوی وزیراعظم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.