ملکہ برطانیہ اپنے ہی گارڈ کی گولی سے بال بال بچ گئیں

جمعرات 5 جنوری 2017 20:40

لندن(اُردو پوائنٹ اخبارتازہ ترین - آئی این پی۔ 05 جنوری2017ء) برطانوی ملکہ الزبتھ اپنے ہی گارڈ کی گولی لگنے سے بال بال بچگئیں۔غیر ملکی میڈیا کے مطابق90 سالہ ملکہ الزبتھ گزشتہ رات تین بجے بکنگھم پیلس میں چہل قدمی کر رہی تھیں کہ وہاں تعینات گارڈ نے اندھیرے میں کسی مشکوک شخص کی موجودگی کے شبہے میں اونچی آواز میں الرٹ کیا اور اونچی آواز میں چلایا کہ وہاں کون موجود ہے۔

(جاری ہے)

اس موقع پر اس نے اپنی بندوق سیدھی کرکے ملکہ پر تان لی۔ تاہم اسے یہ معلوم نہیں تھا کہ اس نے جس ہیولے پر اپنی گن تانی ہے وہ کوئی اور نہیں، ملکہ برطانیہ ہیں جو نیند نہ آنے کی وجہ سے اتنی رات گئے چہل قدمی کرنے نکلی تھیں۔ بکنگھم پیلس کے اس گارڈ نے ملکہ کے روبرو انکشاف کیا ہے کہ وہ گولی چلانے ہی والا تھا۔ اس موقع پر ملکہ برطانیہ نے مذاق کرتے ہوئے کہا کہ میں آئندہ چہل قدمی کرنے سے پہلے آگاہ کر دیا کروں گی تا کہ اسے گولی مارنے کی ضرورت پیش نہ آئے۔

Facebook Twitter Google + Share on Whatsapp

ملکہ برطانیہ اپنے ہی گارڈ کی گولی سے بال بال بچ گئیں

متعلقہ عنوان :

مزید بین الاقوامی خبریں