کراچی،رینجرز کی مختلف علاقوں میں کارروائیاں، 4 ملزمان گرفتار‘ اسلحہ برآمد

ہفتہ 7 جنوری 2017 19:32

کراچی (اُردو پوائنٹ اخبارتازہ ترین - آئی این پی۔ 07 جنوری2017ء) رینجرز نے کراچی کے مختلف علاقوں میں ٹارگٹڈ کارروائیاں کرتے ہوئے 4 ملزمان کو گرفتار کر کے اسلحہ برآمد کر لیا جبکہ پولیس کے ساتھ نارتھ ناظم آباد میں مشترکہ آپریشن میں 15 ملزمان کو گرفتار کر لیا۔

(جاری ہے)

ترجمان رینجرز کے مطابق محمود آباد، جنت گل ٹاؤن اور کیماڑی کے علاقوں میں ٹارگٹڈ کارروائیاں کرتے ہوئے لیاری گینگ وار کے کارندوں اور منشیات فروش سمیت 4 ملزمان کو گرفتار کر لیا۔

گرفتار ملزمان کے قبضے سے اسلحہ اور منشیات بھی برآمد ہوئی ہے۔ترجمان رینجرز کے مطابق رینجرز اور پولیس نے نارتھ ناظم آباد میں پولیس کے ساتھ مشترکہ آپریشن کر کے 15 افراد کو حراست میں لے لیا، تمام افراد کو قانونی کارروائی کے لیے پولیس کے حوالے کر دیا گیا۔