کراچی، بیرون ملک مقیم پاکستانیوں نے رواں مالی سال کے چھ ماہ میں 9458.66ملین امریکی ڈالر وطن بھجوائے

منگل 10 جنوری 2017 23:17

کراچی (اُردو پوائنٹ اخبارتازہ ترین - آن لائن۔ 10 جنوری2017ء) بیرون ملک مقیم پاکستانی کارکنوں نے مالی سال17ء کے پہلے چھ مہینوں (جولائی تا دسمبر) میں 9458.66ملین امریکی ڈالر وطن بھجوائے جبکہ گذشتہ برس کی اسی مدت میں9688.34 ملین ڈالر موصول ہوئے تھے۔دسمبر2016ء کے دوران کارکنوں کی ترسیلات زر کی مالیت 1584.17ملین ڈالر تھی جو کہ نومبر 2016ء اور دسمبر2015ء کے مقابلے میں 1.2 فیصد کم ہے۔

(جاری ہے)

بلحاظ ملک دسمبر 2016ء کی تفصیلات سے پتہ چلتا ہے کہ سعودی عرب، متحدہ عرب امارات، امریکہ، برطانیہ، خلیج تعاون کونسل کے ملکوں(بشمول بحرین، کویت، قطر اور عمان) اور یورپی یونین کے ملکوں سے بالترتیب 475.75 ملین ڈالر، 339.93 ملین ڈالر، 182.17ملین ڈالر، 181.85ملین ڈالر، 203.63 ملین ڈالر، اور 35.08 ملین ڈالر پاکستان بھجوائے گئے جبکہ دسمبر 2015ء میں ان ملکوں سے آنے والی رقوم بالترتیب501.99ملین ڈالر، 339.53ملین ڈالر، 208.05 ملین ڈالر، 190.57ملین ڈالر، 209.50ملین ڈالر اور 35.25ملین ڈالر تھیں۔ دسمبر2016ء کے دوران ناروے، سوئٹزر لینڈ، آسٹریلیا، کینیڈا، جاپان اور دیگر ملکوں سے آنے والی ترسیلات زر مجموعی طور پر 165.76 ملین ڈالر رہیں جبکہ دسمبر 2015ء میں ان ملکوں سے 131.24ملین ڈالر موصول ہوئے تھی