مویشی پال حضرات کو مفید مشوروں کیلئے محکمہ لائیو سٹاک کی ہیلپ لائن سے زیادہ سے زیادہ استفادہ کی ہدایت

جمعرات 19 جنوری 2017 13:48

فیصل آباد۔ (اُردو پوائنٹ اخبارتازہ ترین - اے پی پی۔ 19 جنوری2017ء)محکمہ لائیو سٹاک و ڈیری ڈویلپمنٹ فیصل آباد نے مویشی پال حضرات کو مفید مشوروں کیلئے محکمہ لائیو سٹاک کی ہیلپ لائن سے زیادہ سے زیادہ استفادہ کی ہدایت کی ہے اور کہا کہ ماہرین سے مفید مشورے حاصل کرنے ، کسی بھی قسم کی رہنمائی ، مشاورت ، معلومات یا مسئلہ کی صورت میں صبح 8سے رات 8بجے تک فری ہیلپ لائن پر رابطہ کر سکتے ہیں۔

محکمہ لائیو سٹاک و ڈیری ڈویلپمنٹ فیصل آباد کہ ترجمان نے زیادہ گوشت اور دودھ کی پیداوار کے حصول کیلئے جانوروں و مویشیوں کو بروقت کرم کش ادویات کی فراہمی کی بھی ہدایت کی اور کہا کہ جانوروں کی گوشت کی ضروریات کو پورا کرنے اور لائیو سٹاک سے بھاری منافع کے حصو-ل کیلئے مویشی پال حضرات کو جدید رجحانات سے استفادہ کرنا چاہیے کیونکہ مویشی پال حضرات غیر نسلی ا ور کم دودھ دینے والی دیسی گائیوں اور غیر ملکی بیف بریڈ کے ملاپ سے زیادہ گوشت والے فربہ جانور حاصل کرسکتے ہیں جس سے نہ صرف دودھ کی بہتر پیداوار حاصل ہو سکتی ہے بلکہ معیاری گوشت کا حصول بھی ممکن ہو سکتاہے۔

(جاری ہے)

انہوںنے کہاکہ بڑے معیاری گوشت کے حصول کیلئے ماہرین اورمحکمہ لائیو سٹاک کی ہدایات پر عمل اور جانوروں و مویشیوں کو کرم کش ادویات کی فراہمی بھی ضروری ہے تاکہ صحت مند جانوروں کے ذریعے صحت مند گوشت کا حصول یقینی ہو سکے۔انہوںنے بتایاکہ جہاں لائیو سٹاک ماہرین مویشی پال حضرات کو مفید مشوروں کی فراہمی کیلئے کوشاں ہیں۔