خواجہ سعدرفیق اور عمران خان کی طرف سے ایک دوسرے کیخلاف بیانات کے حوالے سے سیز فائرپر عملدرآمدشروع

پانامہ کیس کی سماعت کے بعد سپریم کورٹ کے باہر دونوں رہنمائوں نے موجود ہونے کے باوجود میڈیا سے گفتگونہ کی

جمعہ 20 جنوری 2017 17:15

خواجہ سعدرفیق اور عمران خان کی طرف سے ایک دوسرے کیخلاف بیانات کے حوالے ..

اسلام آباد(اُردو پوائنٹ اخبارتازہ ترین - آئی این پی۔ 20 جنوری2017ء) وفاقی وزیرریلوے خواجہ سعدرفیق اور پی ٹی آئی چیئرمین عمران خان کی طرف سے ایک دوسرے کے خلاف بیانات کے حوالے سے سیز فائرپر عملدرآمدشروع ہوگیا،پانامہ کیس کی سماعت کے بعد سپریم کورٹ کے باہر دونوں رہنمائوں نے موجود ہونے کے باوجود میڈیا سے گفتگونہ کی۔

(جاری ہے)

تفصیلات کے مطابق وفاقی وزیر خواجہ سعد رفیق اور پی ٹی آئی کے چیئرمین عمران خان نے ایک دوسرے کے خلاف بیانات دینے سے گریزکرنا شروع کردیا،جمعہ کو پانامہ کیس کی سماعت کے بعد سپریم کورٹ کے باہر دونوں رہنمائوں نے میڈیا سے گفتگونہ کی۔

پی ٹی آئی چیئرمین نے خود میڈیا سے گفتگو کرنے کی بجائے پارٹی ترجمان نعیم الحق اور عوامی مسلم لیگ کے سربراہ شیخ رشید احمد کو میڈیا سے گفتگو کرنے دی جبکہ حکومت کی جانب سے خواجہ سعدرفیق نے خودمیڈیا سے گفتگو کرنے کی بجائے وزیرمملکت اطلاعات ونشریات مریم اورنگزیب کو میڈیا سے گفتگوکرنے کا کہا۔واضح رہے کہ گذشتہ روز وفاقی وزیرریلوے خواہج سعدرفیق کی جانب سے پی ٹی آئی چیئرمین عمران خان کو ایک دوسرے کے خلاف بیانات دینے پر سیز فائر کی پیشکش کی تھی۔