صحافت ریاست کا چوتھا ستون ہے، معاشرے میں خرابیوں کی نشاندہی صحافت سے منسلک افراد کا خاصہ ہے‘ میئر اسلام آباد

جمعرات 2 فروری 2017 23:51

اسلام آباد ۔ (اُردو پوائنٹ اخبارتازہ ترین - اے پی پی۔ 02 فروری2017ء) میئر اسلام آباد وچیئرمین سی ڈی اے شیخ انصر عزیز نے کہا ہے کہ صحافت ریاست کا چوتھا ستون ہے ، معاشرے میں خرابیوں کی نشاندہی صحافت سے منسلک افراد کا خاصہ ہے،صحافیوں کی کاوشوں کی وجہ سے سرکاری اداروں کو رہنمائی فراہم ہوتی ہے ،صحافیوں کا معاشرے کے سدھار میں مثبت کردار قابلِ ستائش ہے ۔

ان خیالات کا اظہارمیئر اسلام آباد وچیئرمین سی ڈی اے شیخ انصر عزیز نے صحافیوں کے وفد سے ملاقات کے دوران کیا۔

(جاری ہے)

صحافیوں کے اس وفد نے سی ڈی اے ہسپتال میں میئر اسلام آباد و چیئرمین سی ڈی اے شیخ انصر عزیز کے والد کی عیادت کی۔ وفد میں وقار عباسی، راجہ کاشف، اسد چوہدری، فرید صابری ، شہزاد انور، قاضی ذیاد، عامر عباسی ، یاسر ملک اور ولید چوہدری سمیت پرنٹ اور الیکٹرانک میڈیا سے تعلق رکھنے والے صحافی شامل تھے۔

میئر اسلام آباد و چیئرمین سی ڈ ی اے شیخ انصر عزیز نے وفد کا شکریہ ادا کرتے ہوئے کہا کہ صحافی برادری سی ڈی اے اور ایم سی آئی کے لیے ایک آنکھ کے طور پر کام کرے گی اور سی ڈی اے انتظامیہ اور صحافیوں میں باہمی مضبوط رابطہ اسلام آباد کو ماڈل شہر بنانے کے لیے نہایت ضروری ہے۔

Facebook Twitter Google + Share on Whatsapp

صحافت ریاست کا چوتھا ستون ہے، معاشرے میں خرابیوں کی نشاندہی صحافت سے منسلک افراد کا خاصہ ہے‘ میئر اسلام آباد

مزید قومی خبریں