2016ء کے دوران بھارت میں ایرانی تیل کی آمد میں ریکارڈ اضافہ

اتوار 5 فروری 2017 14:50

نئی دہلی ۔ (اُردو پوائنٹ اخبارتازہ ترین - اے پی پی۔ 05 فروری2017ء) ماہرین نے کہا ہے کہ 2016 ء کے دوران ایران سے عالمی پابندیوں کے خاتمے کے بعد بھارت میں اس کے خام تیل کی آمد میں ریکارڈ اضافہ ہوا۔

(جاری ہے)

تھامسن رائٹرز آئل ریسرچ اینڈ فیبریکیٹس کی جانب سے جاری حالیہ رپورٹ کے مطابق 2016 ء میں بھارت کی جانب سے ایرانی تیل کی درآمد ریکارڈ رہی بالخصوص عالمی پابندیوں کے خاتمے کے بعد بھارتی ریفائنریوں نے ایرانی تیل کی درآمد میں خاطر خواہ اضافہ کردیا۔

سال کے دوران ایران سے 473000 بیرل یومیہ خام تیل درآمد کیا گیا جبکہ 2015 ء میں درآمد کی مقدار 208300 بیرل یومیہ رہی تھی۔دسمبر کے دوران تیل کی درآمد دسمبر 2015 ء کی نسبت دوگنا ہوکر 546000 بیرل یومیہ رہی۔سرکاری اعداد و شمار کے مطابق 2016 ء میں ایرانی تیل کی درآمد 2001-2 کے بعد سب سے زیادہ ہے۔