روس رواں سال چین کو 10ایس یو۔35لڑاکا طیاروں کی دوسری کھیپ فراہم کرے گا
لڑاکاطیاروںکی فراہمی کیلئے 2بلین ڈالر کا معاہدہ نومبر2015 میں طے پایا تھا یہ لڑاکا طیارہ نیٹو کے بیشتر لڑاکا طیاروں کیلئے ’’انتہائی خطرناک‘‘ ہے ،امریکی جریدہ کے ماہرین کی رائے زمین سے زمین تک دور مارکرنے والے میزائلوں سے لیس اور ہوا سے زیادہ تیز رفتار سے داغنے کی صلاحیت رکھتا ہے زیادہ سے زیادہ رفتار 2500کلومیٹر فی گھنٹہ ،زیادہ سے زیادہ رینج3400کلومیٹر اور حربی قطر 1600کلومیٹر ہے
اتوار 5 فروری 2017 18:00
ماسکو(اُردو پوائنٹ اخبارتازہ ترین - آئی این پی۔ 05 فروری2017ء) روس کی خبررساں ایجنسی انفارمیشن ٹیلی گرافک ایجنسی (تاس) کی اطلاع کے مطابق روس کے بیرونی فوجی ٹیکنیکل تعاون میں ملوث ایک ذرائع نے انکشاف کیا ہے کہ روس امسال چین کو 10ایس یو۔35لڑاکا جیٹ طیاروںکی دوسری کھیپ فراہم کرے گا۔اس ذرائع کے مطابق 4لڑاکا جیٹ طیاروں کی پہلی کھیپ گذشتہ سال کے آوخر میں سپلائی کی گئی تھی،10جیٹ طیاروںکی دوسری کھیپ امسال چین کے حوالے کی جائے گی جبکہ آخری 10جیٹ طیاروںکی کھیپ 2018میں فراہم کی جائے گی۔
فیڈرل سروس برائے فوجی ٹیکینیکل تعاون نے خبرپر کوئی تبصرہ نہیں کیا ہے،فیڈرل سروس برائے فوجی ٹیکنیکل تعاون کے ڈپٹی ڈائریکٹر ولادین میر جو ژی ژوف نے نومبر 2016میں کہا تھا کہ روس چین کے ساتھ اپنے ایس یو۔(جاری ہے)
35لڑاکا جیٹ طیاروں کے معاہدے کے آخری مرحلے کی ذمہ داریاں انجام دے رہا ہے،روس اور چین نے نومبر2015میں 24ایس یو۔35لڑاکا جیٹ طیاروںکی فراہمی کیلئے 2بلین ڈالر مالیت کا معاہدہ کیا،جس میں زمینی آلات اور بیک اپ انجن کی فراہمی بھی شامل ہے۔
ایک ذرائع نے قبل ازیں دوسری سرکاری خبررساں ایجنسی کو بتایا کہ یہ معاہدہ تین برسوں میں پایہ تکمیل کو پہنچے گا۔ایس یو۔35روس کا جنریشن 4++ملٹی فنکشن جیٹ لڑاکا طیارہ ہے جو ائیربول فیزڈایرے ریڈار،ٹی وی سی انجن اور 12ہارڈ۔پوائنٹس سے لیس ہے۔اس کی زیادہ سے زیادہ رفتار 2500کلومیٹر فی گھنٹہ زیادہ سے زیادہ رینج3400کلومیٹر اور حربی قطر 1600کلومیٹر ہے،برطانیہ کے جینز ڈیفنس ویکلی کے دوفروری کے شمارے کی ایک اطلاع کے مطابق تاس نے ’’روسی غیرملکی فوجی ٹیکنیکل تعاون‘‘ میں شامل ایک ذرائع کے حوالے سے کہا کہ روس چین کو 2017میں مزید 10ایس یو۔35ملٹی فنکشن لڑاکا طیارے فراہم کرے گا۔چین ایس یو۔35لڑاکا طیاروں کا پہلا غیرملکی خریدار ہے،دونوں ممالک نے نومبر2015میں اس نوعیت کے 24لڑاکا جیٹ طیاروں کے معاہدوں پر دستخط کیے تھے۔امریکی دو ماہی نیشنل انٹرسٹ نے ایس یو۔35لڑاکا طیاروں کو روس کے انتہائی خطرناک ہتھیاروںکی فہرست پر رکھا ہے ،میگزین کے ماہرین نے کہا ہے کہ یہ لڑاکا طیارہ نیٹو کے بیشتر لڑاکا طیاروںکیلئے ’’انتہائی خطرناک ہے‘‘ کیونکہ یہ طویل فاصلے تک زمین سے زمین تک مارکرنے الے میزائلوں سے لیس ہے اور انہیں ہوا سے زیادہ تیز رفتار سے داغنے کی صلاحیت رکھتا ہے۔مزید بین الاقوامی خبریں
-
ورلڈ بینک کی حالیہ رپورٹ میں افغانستان کی تباہ کن معیشت کے متعلق نئی معلومات منظرعام پر آگئیں
-
ٹرمپ پر2016 کے صدارتی الیکشن میں فراڈ کا الزام
-
مالدیپ انتخابات، چین کی حامی جماعت کی بھاری اکثریت سے جیت
-
مودی پر الیکشن مہم کے دوران مسلمانوں کو ٹارگٹ کرنے کا الزام
-
مسجد اقصی میں یہودیوں کی قربانی کی رسم کی ادائیگی
-
اروند کیجریوال کو جیل میں انسولین دے دی گئی
-
دنیا کے بہترین شوہر نے تحفے میں بیوی کو آدھی حکمرانی دیدی
-
سعودی عرب میں وطن دشمنی اورانتہا پسندی ثابت ہونے پر سعودی شہری کا سرقلم
-
سرکاری نوکری نہ ملنے پر بھارتی شہری گدھی کے دودھ سے لاکھوں کمانے لگا
-
غزہ میں انسانی حقوق کی خلاف ورزیوں کا جائزہ لے رہے ہیں، امریکا
-
میلان میں رات 12 بجے کے بعد آئس کریم پر پابندی کا فیصلہ
-
ایران سے تجارت کے خواہشمند پابندیوں سے خبردار رہیں، امریکا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.